web counter
LEXO PA REKLAMA!

SHKARKO APP

App Store
Google Play

“Kërkon t’i vërë kushte demokracisë”/ Anëtari i Këshillit Kombëtar të PD "kryqëzon" Bashën

23 Mars 2022, 16:06, Politikë CNA

Anëtari i Këshillit Kombëtar të Partisë Demokratike, Andi Mustafaj, në një intervistë televizive ka folur në lidhje dorëheqjen e Lulzim Bashës nga Partia Demokratike. Ai e konsideroi largimin e tij si një truk, vlerësim të cilin e arsyeton me veprimet e mbështetësve të Bashës

?Ai është shkarkuar nga Kuvendi por ai nuk ka dhënë një dorëheqje të vërtetë, një skenar, një truk. Ka lënë një ekip që të vazhdojë blindimi i partisë. Më vjen keq për ata që ndoqën Bashën në një rrugë pa krye. Ka refuzuar të ballafaqohet me shumicën. Retorika e Bashës është klasike e një humbësi. Për të mos pranuar humbjen, vazhdon dhe zhytet më thellë në gënjeshtra dhe në një mit që ka krijuar me mendjen e vet”, tha Mustafaj.

Ai shtoi se mënyra e vetme për të zgjidhur krizën brenda Partisë Demokratike, është vetëm vota.

“Nuk mund t’i vihen kushte demokracisë, ne duam të votojmë. Nuk duam që një grup njerëzish të mbyllur brenda selisë së bravave që sot është e blinduar, t’i vendosin kushte demoracisë. Të hapin zgjedhjet për kryetar partie?, tha ai./ CNA.al





Lajmet e fundit nga