Video-Deklarata e Bashës te SPAK, që nuk e zbardhi zyra e shtypit të PD

11 Shkurt 2022, 09:52, Politikë CNA

Lulzim Basha dje përfundoi në SPAK, ku është pyetur për disa orë radhazi nga prokurorët belgë në lidhje me dosjen e ?Toyota Yaris?, që ata po vazhdojnë ta hetojnë me intensitet.

Pas marrjes në pyetje, Basha ka folur për mediat, dhe zyra e shtypit të tij, shpërndau në media vetëm deklaratat që iu shkonin për shtat atyre dhe ajo ato që tha Basha.

Basha deklaroi se SPAK dhe BKH po bënin një punë shumë të mirë dhe pasi votoi shtyrjen e vetingut, deklaroi se mbështet plotësisht drejtësinë.

Më poshtë, keni deklaratën e Lulzim Bashës, e cila nuk u zbardh nga zyra e shtypit:

?Është që punonjësit e ndershëm të SPAK-ut dhe BKH-së kanë dhe do të kenë mbështetjen e plotë të PD-së për të ecur përpara në hetimin e të gjitha çështjeve nën juridiksionin e tyre, është arsyeja pse janë krijuar,është arsyeja pse financohet nga taksapaguesit shqiptarë. Nuk janë vartësit e askujt përveç të ligjit shqiptar dhe taksapaguesve shqiptarë dhe njëherë deklaroj mbështetjen e plotë ndaj tyre për të kryer detyrën e tyre në një luftë shumë të rreptë me krimin e organizuar, sepse është bërë e tillë për shkak të bashkëpunimit të qeverisë, të pushtetit dhe të politikanëve të korruptuar me krimin e organizuar. Tani, jam i hapur për çdo pyetje.

Ishit në rolin e dëshmitarit apo të personit në hetim?

Basha: Sigurisht, në rolin e personit? sigurisht në rolin e personit që ka dijeni për rrethanat e ngjarjes.

Basha: E vetmja gjë që mund t?ju them është (e para, prokurorët belgë kanë pasur një veprimtari përtej intervistimit tim?jo jo, këtu në Shqipëri) besoj se nuk e thyej këtu sekretin hetimor, sepse ai është i rëndësishëm të mbahet. E dyta që mund t?ju them, se unë personalisht kam bindjen, pra me aq sa ndava me prokurorët belgë që ishte një bisedë konstruktive dhe që I shërben hetimit dhe siç mund ta kuptoni në veçanti ju që ndiqni kronikën, në hetimet në zhvillim e sipër nuk mund të flas për detaje të tjerë.

Basha: Sapo i dhashë përgjigje kësaj pyetjeje.

Ju keni deklaruar se do të jeni në dispozicion të grupit të hetimit në Belgjikë. Në fakt, kur thua do të jem edhe për SPAK-un dhe për llogari të hetimeve të Belgjikës, çfarë nënkuptoni? Keni informacione se zyrtarë të lartë janë të implikuar në këtë gjë?

Basha: Jo, nuk nënkuptoj asgjë përveç gatishmërisë totale për të bërë detyrën tonë, jo thjesht si qytetarë, por si forca politike që kanë treguar?

Gatishmëri për të dhënë dhe prova?

Basha: Gatishmëri për të bërë gjithçka si forca politike që i ka treguar shqiptarëve se bën dhe sakrifica për të mirën e tyre, sepse nuk mund të ketë një Shqipëri të drejtë të zhvilluar me mundësi për të rinjtë, me punësim, me liri?

Çfarë nënkuptoni me sakrificë, z. Basha?

Basha: Pa luftuar lidhjet e politikës me krimin.

A ka pasur ndonjë akuzë ndaj jush për dekonspirim?

Basha: Me radhë?.edhe një herë ju lutem.

Në këtë rast, a ka ndonjë lidhje midis politikës dhe parave?

Basha: Ju e dini denoncimin tim, ai ka qenë publik në parlamentin e Shqipërisë dhe është besoj një nga indiciet e hetimit që nisi dhe të procesit që vazhdon në Belgjikë, ndryshe nga ç?është deklaruar. Unë i qëndroj gjithçkaje që kam deklaruar në parlament.

Basha: E para e punës, PD-ja e ka të pamundur të ndjekë pushimin e çdo çështjeje të prokurorisë shqiptare. E dyta e dini dhe e kam pohuar publikisht se çështja nuk është mbyllur. Çështja po vazhdon. E treta dhe po jua përsëris, kemi të bëjmë me një realitet që unë shpresoj shumë që është i ndryshëm nga ai kur u pyeta për herë të parë. Ishte e njëjta ndërtesë po tjetër institucion. Ndaj dua dhe njëherë të përsëris mbështetjen time totale, mbështetjen e PD-së jo vetëm për këtë hetim dhe për drejtësinë belge, por edhe për punonjësit e ndershëm të SPAK-ut dhe BKH-së.