LEXO PA REKLAMA!

SHKARKO APP

Alibia e Ilir Metës dhe djegia e mandateve nga deputetët e LSI

11 Shkurt 2022, 10:26, Politikë CNA

Nga Premto Shundi

Nuk ka natë që prej më shumë se dy javësh, që Presidenti i Republikës Ilir Meta të mos dalë nga dy orë e ca nëpër ekranet e televizioneve, të cilët i ka marrë të gjithë me rradhë e ku na shfaqet papërgjegjshmërisht si kopje e vetvetes nga ekrani në ekran, siç nuk bën asnjë president tjetër në botë.

Madje as Presidenti i Ukrainës që është nën kërcënimin e pushtimit rus nuk del natë për natë t?i drejtohet popullit të vet nga ekranet e televizioneve.

Ilir Meta është i vetmi që e bën.

Sensi i masës është një parim universal që përcakton dhe kushtëzon marrdhëniet publike të një autoriteti publik, e kur është fjala për një kryetar shteti ky parim bëhet domosdoshmërisht detyrues që të respektohet.

Edhe mbrëmë ai, Ilir Meta pra, Presidenti i Republikës nuk jua kurseu veten shqiptarëve, e në orën e caktuar u shfaq në ekran siç ka bërë ditëpasdite për netë me rradhë.

Gjetje më brilante për t?jua mbushur mendjen shqiptarëve se pse duhet të kenë neveri për politikanët nuk mund të ketë.

Por, gjykimin se sa neveri apo dashuri provokon prania e përnatshme e Presidentit ne ekranet e tv-ve le t?jua lemë vetë qytetarëve që kanë në dorë edhe telekomandën e televizioneve të tyre.

Gjetiu e kemi fjalën në këtë shkrim dhe konkretisht tek ?argumenti? i Presidentit se ai gjoja ka qenë kundër djegies së mandateve nga ana e deputetëve të LSI-së.

Le ta marrim për të mirëqenë se ai vërtetë nuk donte që LSI të digjte mandatet. Çfarë bëri për t?i ndaluar ata që të mos i digjnin mandatet? Me cilin prej tyre foli, edhe pse ishte ne Gjermani ato ditë? Kujt i tha që ta prisnin sa të kthehej në atdhe?

Nuk e dimë këtë të vërtetë, por ama dimë atë tjetrën që është edhe më e vërtetë. Cili shqiptar në këtë vend mund të besojë që Ilir Meta t?i ketë thënë Petrit Vasilit që mos e digj mandatin dhe Petrit Vasili ta ketë djegur mandatin në kokë të vet?!

Ja pra që vetëm ky argument e nxjerr zbuluar Ilir Metën në alibinë e vet e të mos flasim edhe për deputetët e tjerë të LSI-së që ishin të gjithë ushtarë të verbër të tij.

Cili prej tyre, Endrit Brahimllari apo Kejdi Mehmeti, Silva Caka apo Viktor Tusha, Haxhinasto, Kljada Gjosha apo Luan Rama, Nora Malaj apo Nasip Naço, Agron Çela, Vangjel Tavo, Shezai Rrokaj, Përparim Spahiu dhe Edmond Panariti do ta digjte mandatin në kundërshti me këmbënguljen e Ilir Metës për të mos i djegur? Apo do t?i kundërvihej porosisë së tij për të mos i djegur mandatet Floida Kërpaçi?!

Ja pra që  gjithë sa thotë Ilir Meta se ka qenë kundër djegies së mandateve nga LSI nuk është gjë tjetër por një alibi e tij, meqë skenari i destabilitetit që provokoi djegia e mandateve dështoi.

Sepse nese do t?ia kishin dalë që përmes djegies së mandateve të rrëzohej qeveria, ai Ilir Meta i pari do të rendëte të merrte flamurin e shpëtimtarit të popullit.

Edhe një fakt tjetër; nese Edmond Panariti për shembull e paska djegur mandatin në kundërshtim me kembënguljen e Ilir Metës për të mos e djegur, përse e mori dhe e emëroi shef të kabinetit të vet, apo si mirënjohje dhe shpërblim për mosbindjen?!

E gjithë retorika e tij për gjoja këmbënguljen për të mos i djegur mandatet, është vetëm një alibi për ta nxjerrë atë të larë nga llumi politik që ka gatuar vetë edhe me djegien e mandateve, paçka se Edi Rama ia dogji kartat dhe ja la baltën e djegies së mandateve në dorë e tani po përpiqet që ta lerë edhe ate vetë Ilir Metën pa mandatin e Presidentit, sado që edhe nëse Gjykata Kushtetuese nuk e shkarkon, ai, Edi Rama ia ka dalë ta zhveshë Ilir Metën në sytë e të gjithëve, edhe të ndërkombëtarëve ashtu siç është.

Nuk e keni vënë re që atë nuk e takon më askush prej atyre ndërkombëtarëve  që vijnë në Tiranë?

Vetëm një budalla mund të mendojë se është rastësi se ndërkombëtarët nuk përcjellin mesazh kur refuzojnë të takojnë atë që mburret e thotë e kam për krenari kur më krahasojnë me personin non grata Sali Berisha. Kanë vetëm një ndryshim: njëri thotë jam Sali Berisha unë o budallej e tjetri thotë jam Ilir Meta unë o kryebudallej./CNA.al

Lajmet e fundit nga