web counter
LEXO PA REKLAMA!

SHKARKO APP

App Store
Google Play

E fundit!

x

Pazari Rama-Basha/ Rikthehen dy komisione të posaçme

10 Shkurt 2022, 19:25, Politikë CNA

Kuvendi ka miratuar sot në mbrëmje krijimin e dy komisioneve të posaçme parlamentare, atë për Reformën Zgjedhore dhe Reformën Territoriale. Dy komisione të cilat rivijnë në Parlamentin shqiptar.

Komisioni i Reformës Territoriale u ngrit menjëherë pas zgjedhjeve të vitit 2013 dhe në vitin 2015 pati një hartë të re të ndarjes administrative të Shqipërisë. Një komision që u drejtua në atë kohë nga Bledi Çuçi, solli një reformë të plotë. Në atë kohë ai ishte ministër Shteti për Reformën Territoriale dhe nga qindra komuna dhe shumë bashki, në fund pati vetëm 61 bashki, propozime të bëra kryesisht nga PS me disa ndërhyrje në fund nga aleatët e atëhershëm të socialistëve, Partia për Drejtësi Integrim dhe Unitet dhe një opozitë që e bojkotoj. Pra ishte Partia Demokratike e Lulzim Bashës, ishte Lulzim Basha që e bojkotoj Reformën Territoriale-Administrative.

Në atë kohë Lulzim Basha tha se nuk do të ketë ndarje administrative pa opozitën dhe pa Lulzim Bashën. Në fakt, Reforma Territoriale u bë, u zhvilluan zgjedhjet lokale në 2015, u bënë edhe zgjedhjet e 2019, ndërkohë Luli në 2019 nuk shkoi në zgjedhjet lokale, i humbi ato, tani në datën 6 mars po shkon për herë të parë me ndarjen territoriale të bërë nga socialistët dhe nga ana tjetër pazaret e tij me Edi Ramën kanë vazhduar.

Sot qartazi, konsensusi politik i Ramës dhe Bashës ka sjellë dy komisione. Komisioni i Reformës Territoriale i cili rikthehet, pra një dështim total i opozitës së Lulzim Bashës dhe pas 7 vitesh do të kemi një komision të ri, do të diskutohet edhe një herë ndarja territoriale.

Ndoshta në zgjedhjet e ardhshme të vitit 2023, një vit e gjysmë më pas do të kemi një ndarje të re administrative për ti dhënë mundësinë Lulit të fitoj më shumë bashki dhe komuna, pasi aktualisht të gjitha i ka lënë në tryezë dhe mesa duket edhe në 6 mars nuk e ka shansin të fitojë ndonjë prej tyre, dhe me shumë gjasa mund të jetë edhe forcë e tretë politike.

Komisioni i dytë është Komisioni për Reformën Zgjedhore, një komision i cili pati konsensus para zgjedhjeve të shkuara të 25 prillit.

Komisioni Reformës Zgjedhore pritet që të shqyrtojë ndoshta pazaret që mund të ndodhnin midis Ramës dhe Bashës, një dyshe që do tentojnë që të luftojnë ndaj ish-kryeministrit Berisha, presidentit në detyrë Meta dhe forcave të tjera politike të cilat mund të iu hapin probleme.

Fakti është që Gjykata Kushtetuese e ka rrëzuar kodin aktual Zgjedhor i cili pengon hapjen e listave, pra kishte vënë një prag prej 10 mijë votash për thyerjen e listës së kandidatëve. Tashmë lista do të jetë e hapur, por kjo ende nuk dihet a do të zbatohet ky vendim i Gjykatës Kushtetuese sepse mund të ketë edhe një ndryshim të sistemit zgjedhor, të dakortësuar nga Rama dhe Basha, të cilët mesaduket po vazhdojnë pazaret e radhës dhe bashkëqeverisjen konsensuale në Parlament.

Kanë zgjatur vettingun, kanë rikthyer komisionin e Reformës Territoriale për të cilin Rama deklaronte se nuk do të kishte më një komison të tillë, do ta pranonte vetëm në rast se do të ulej numri bashkive , nga ana tjetër vjen komisioni Reformës Zgjedhore, i cilin pati konsensus para zgjedhjeve të 25 prillit,  por më pas si u ndryshua në mënyrë të njëanshme nga kryeministri Rama i cili në atë kohë , ishte në Parlament me vasalët e listave të Lulzim Bashës, të cilët u përdorën dhe për ndryshimet kushtetuese.

Këto janë vetëm 3 nga hapat e parë që ka hedhur Rama dhe Basha , gjithashtu qartazi duket që ka dhe shumë faktorë të tjerë siç është heshtja e opozitës për skandalin e shembjeve në zonën e ?5 Majit?, shembjet në Unazë e të tjera si këto, për të cilat Partia Demokratike e Lulzim Bashës që mban vulën dhe ka zaptuar selinë, nuk reagon por vetëm hesht që me votimet e sotme të dy komisioneve të posaçme parlamentare, u duk qartazi se marrëveshja e Ramës me Bashën është kryer, ajo tani thjesht po zbatohet dhe këto janë hapat që shikojmë çdo ditë që ndodhin në Parlament./CNA.al





Lajmet e fundit nga