LEXO PA REKLAMA!

SHKARKO APP

U rreshtuar krah kandidates së Shkodrës/ Haki Çako në shkelje të Kodit Zgjedhor

10 Shkurt 2022, 21:12, Politikë CNA

Kandidatja e PS për Bashkinë e Shkodrës Majlinda Angoni së bashku me kreun e Emergjencave Civile Haki Çako kanë ditën e sotme pranë çiftit të moshuar Gocaj në Obot të njësisë administrative Ana e Malit, që iu dogj shtëpia ditët e fundit.

Çako dhe Angoni u kanë premtuar të moshuarve se shtëpia e tyre do të rregullohet dhe se çdo gjë që u është djegur do u zëvendësohet.

?Është nisur mbështetja e mergjencës me ushqime veshmbathje tavolin. Çfarë të është prishur brenda ty do të zëvendësohet. Ka një procedurë të Këshillit të Ministrave që përcakton qartësisht mënyrën se si do të kompensohet dhe do të mbështetet qytetari. Në pritje edhe të komisionit të vlerësimit për të nxjerrë dëmet dhe koston financiare për ta mbështetur banorin  në të gjitha rrethanat?, tha Çako në fjalën e tij.

Ndonëse ky i fundit mohoi që të jetë aty në prag të fushatës zgjedhore, neni 91 i Kodit Zgjedhor ndalon përfaqësues të qeverisë që të jenë në krah të kandidatëve.

Në pikën 1 të këtij neni thuhet: ?Me përjashtim të rasteve të parashikuara me ligj, nuk mund të përdoren ose të vihen në mbështetje të kandidatëve, të partive politike ose të koalicioneve në zgjedhje burime të organeve apo enteve publike në nivel qendror ose vendor, apo çdo lloj enti tjetër ku shteti zotëron kapitale apo kuota ose/dhe emëron shumicën e organit mbikëqyrës apo organit administrues të entit, pavarësisht nga burimi i kapitalit ose pronësia?.

Pra, prania e Haki Çakos krah Majlinda Angonit është një shkelje e rëndë e Kodit Zgjedhor./E.K-CNA.al

Lajmet e fundit nga