web counter
LEXO PA REKLAMA!

SHKARKO APP

App Store
Google Play

“Belgët i çojnë hetimet deri në fund, nuk janë si shqiptarët”/ Lala zbulon tre pyetjet që iu bënë Bashës

10 Shkurt 2022, 20:23, Aktualitet CNA

Lulzim Basha ka qenë për gati dy orë në dyert e SPAK ku është marrë në pyetje nga prokurorët belg lidhur me çështjen e Toyota Auris. Gazetarja Klodiana Lala, në një intervistë për emisionin Opinion u shpreh se Basha ka pasur një gabim në shprehjen e tipit të makinës, e cila ka qenë Auris dhe jo Yaris.

Ajo më tej u shpreh se prokurorët belg janë të sigurt ti shkojnë deri në fund këtij hetimi, ndërsa ka zbuluar edhe tre pyetjet që i janë bërë Bashës në ambientet e SPAK.

?Basha është pyetur tre herë në prokurori, një herë nga prokuroria e Tiranës pas një kallëzimi penal të bërë socialisti Taulant Balla për faktin se kryedemokrati e akuzoi atë në parlament se do të përfitonte para të cilat do të vinin në Shqipëri me një automjet Toyota Auris, pra e shqiptoi tipin e automjetit në mënyrë të gabuar. Hera e dytë është pyetur në vitin 2019 nga prokurorët belg,kanë qenë të pranishëm edhe prokurorë shqiptarë.

Hetimet kanë nisur nga prokuroria e Krimeve të Rënda të kohës për dy akuza penal atë të grupit të strukturuar kriminal dhe pastrim parash. Duke qenë se vepra penale fillonte në Gjermani ku ishin blerë automjetet, më pas zhvillohen në Belgjikë ku ishte bërë edhe përgatitja për të ardhur në drejtim të Shqipërisë. Belgët nisin një hetim dhe ata nuk janë prokurori shqiptare, ata e çojnë hetimin deri në fund, për të parë mekanizmin se si pastrohen paratë.

Kush është personi që informoi, cilat janë informacionet që ai ka dhënë përtej atyre që ka deklaruar në Kuvend dhe cila është mënyra se si zoti Basha i ka marrë këto informacione, ka pasur një bisedë apo në telefon?, tha ajo./E.K-CNA.al





Lajmet e fundit nga