web counter
LEXO PA REKLAMA!

SHKARKO APP

App Store
Google Play

E fundit!

x

PD ndez “motorët” për zgjedhjet/ Brenda tetorit caktohen drejtuesit politikë në qarqe

16 Tetor 2020, 08:45, Politikë CNA

Ndërkohë që zgjedhjet e ardhshme parlamentare duan më shumë se gjashtë muaj, forcat politike duket se ?kanë ndezur? motorët e fushatës.

Kështu, PD prej disa kohësh ka nisur një proces të përzgjedhjes së kandidatëve, ndërsa PS një ditë më parë prezantoi platformën online ?Deputeti që duam?.

Sa I takon, Partisë Demokratike, në qarkun e Tiranës, që nxjerr 35 deputetë, do ketë disa drejtues politikë.

Ky do jetë dhe shtabi qendror i PD-së për fushatën e zgjedhjeve të ardhshme.

Ndërkohë Komisioni i Vlerësimit të Kandidatëve është në fazën e fundit të përzgjedhjes, dhe për pak ditë, 300 kandidatura do i kalojnë kryesisë për të vendosur për 106 prej tyre.

Brenda muajit tetor, Partia Demokratike pritet të emërojë drejtuesit politikë të qarqeve, të cilët do kenë peshën kryesore të fushatës për zgjedhjet e 25 prillit.

Burime në PD, shprehen se do jenë figura me peshë jo vetëm në PD, por edhe në zonat ku ata do kryesojnë listat.

Të njëjtat burime saktësojnë se Tirana do ketë disa drejtues politikë, ku mes tyre nuk përjashtohet dhe prezenca e kryetarit të PD-së. Tirana merr vlerë të shtuar, pasi është qarku që nxjerr 35 deputetë. Burimet thanë, se Basha ka pritur dhe përfundimin e fazës së tretë të votimit brenda PD-së, për të marrë një vendim se kush do jetë pjesë e shtabit qendror elektoral.





Lajmet e fundit nga