Paralajmërimi i fortë i Metës/ I jap një mundësi të fundit parlamentit

16 Tetor 2020, 08:01, Politikë CNA

Presidenti Ilir Meta vijon të përcjellë mesazhe të forta në drejtim të mazhorancës socialiste, ndërsa ripërsërit ?respektimin e marëveshjes së pesë qershorit?.

Në një postim në rrjetet sociale, Meta shkruan se ka zhvilluar një takim me Ambasadoren e Francës, Sh.S.Znj Christina Vasak, me rastin e përfundimit të misionit në Shqipëri.

Meta shkruan se në këtë takim, ka theksuar se Shqipëria është ende shumë larg përmbushjes së kushteve që kërkohen për zhvillimin e Konferencës së Parë Ndërqeveritare, me shkeljen brutale dhe të njëanshme nga ana e mazhorancës së Marrëveshjes konsensuale të 5 Qershorit.

Më tej, ai paralajmëron parlamentin, se do t?I japë edhe një mundësi të fundit, për të respektuar marëveshjen.

?Me rastin e përfundimit të misionit në Shqipëri, prita në një takim, Ambasadoren e Francës, Sh.S.Znj Christina Vasak.

Vlerësova rolin e saj aktiv për forcimin e marrëdhënieve dypalëshe, dhe për mbështetjen e sinqertë ndaj procesit të integrimit europian të vendit tonë.

Duke e falenderuar për kontributin thelbësor të Francës në avancimin e Shqipërisë drejt Bashkimit Europian, konfirmova se vendimi politik i Këshillit Europian i marsit për çeljen e negociatave të anëtarësimit është një mundësi historike për vendin tonë.

Theksova se, fatkeqësisht, Shqipëria është ende shumë larg përmbushjes së kushteve që kërkohen për zhvillimin e Konferencës së Parë Ndërqeveritare, me shkeljen brutale dhe të njëanshme nga ana e mazhorancës së Marrëveshjes konsensuale të 5 Qershorit.

Por unë do t?i jap edhe një mundësi të fundit Parlamentit njëpartiak për të respektuar Marrëveshjen pas kërkesës publike të Partisë Popullore Europiane.

Shpreha besimin se hyrja në fuqi e Marrëveshjes me Agjencinë Franceze të Zhvillimit (AFD), do t?i japë një shtysë të rëndësishme projekteve zhvillimore në Shqipëri, si dhe do të rrisë interesimin për prani më të madhe ekonomike të Francës në Shqipëri.?-shkruan Meta./ CNA.al