“Më ndoqën nga pas”/ Zbardhen të tjera detaje nga sulmi, dëshmia e biznesmenit që denoncoi Blushin

16 Tetor 2020, 11:46, Politikë CNA

Të tjera detaje kanë dalë në dritë, në lidhje me denoncimin e bërë nga biznesmeni A.Dh., i cili pretendon se mbrëmjen e djeshme është sulmuar nga persona të maskuar, në hyrje të pallatit ku banonte.

?Dy persona të panjohur më kanë ndjekur në hyrje të pallatit ku banoj dhe u shpëtova atyre, pasi u futa në ashensor. Edhe roja i pallatit u ka bërtitur dhe ata kanë ikur?, mësohet se është shprehur biznesmeni në dëshminë e tij.

Pas raportimit të lajmit se biznesmenit me inicialet A. Dh., i është kërcënuar seriozisht me jetë nga dy persona të panjohur, ka reaguar edhe Policia e Tiranës.

Me një njoftim të shkurtër për shtyp, policia thotë se po punon për të zbardhur rrethanat e ngjarjes dhe identifikimin e autorëve.

?Më datë 16.10.2020, rreth orës 00:40, shtetasi A. Dh.,kallëzon se më datë 15.10.2020, rreth orës 22:00, dyshohet se dy persona të panjohur e kanë ndjekur në hyrje të pallatit ku ai banon.

Punohet për zbardhjen e plotë të rrethanave të ngjarjes dhe identifikimin e autorëve.

Materialet i kaluan Prokurorisë së Rrethit Gjyqësor Tiranë, për veprime të mëtejshme.?-thuhet në njoftimin e policisë.

Kujtojmë këtu se biznesmeni A.DH. i cili prej disa muaj është në një konflikt të hapur me ish-politikanin dhe drejtorin e Top Channel, Ben Blushi.

Një letër e gjatë drejtuar ambasadës së SHBA-ve ka zbuluar prona të përfituara nga Blushi dhe familjarët e tij, disa prej tyre shitur me vlera qesharake. Gjithashtu Ben Blushi, është akuzuar se nuk ka paguar mbi 50 mijë euro karburant, por dhe ka marrë 100 mijë euro në emër të vëllait të tij, pa folur për pjesë pasurie miliona dollarë të një pallati ndërtuar në kryeqytet i cili është vendosur në emër të ish-vjehrit të Ben Blushit./ CNA.al

Denoncoi Ben Blushin në ambasadën e SHBA-ve/Biznesmeni sulmohet me armë nga maskat

Paditi Blushin/ Berisha dënon sulmin ndaj biznesmenit: Akt mafioz i bandave