web counter
LEXO PA REKLAMA!

SHKARKO APP

App Store
Google Play

E fundit!

x

Topalli “masakron” Ramën dhe Bashën/ Qeveria e zhytur në skandale, opozita e pabesueshme

9 Shtator 2020, 12:48, Politikë CNA

Ish-kryetarja e Kuvendit, Jozefina Topalli është shprehur me tone mjaft të forta sot si ndaj kreut të PD-së, Lulzim Basha, por edhe ndaj qeverisë së Edi Ramës, për të cilën tha se është një qeveri e zhytur në skandale.

Në një prononcim për Report tv, Topalli risolli në vëmendje edhe vilat e Lulzim Bashës tek oligarkët, për të cilat theksoi se minimum duhej që të bënte transparencë.

?Nëse duam një opozitë të bashkuar që do çonë në largimin e Ramës duhet një lider i pakorruptuar që jep besim dhe është i vërtetë.

Unë nuk njoh një kryetar opozite që në prag zgjedhjesh të shtojë vilat në mënyrë progresive sa herë ka diçka të tillë, si tërmeti, pandemia etj dhe pa bërë asnjë transparencë me një gjë të tillë. Unë nuk e kuptoj dhe as nuk e imagjinoj dot. Kjo nuk ka ndodhur më parë në Shqipëri me një lider opozitte, nuk ndodh në asnjë vend të Ballkanit, nuk besoj se ndodh as në Afrikë. Minimalisht duhej të bënte transparencën përballë qytetarëve.?-tha Topalli.

Më tej, ajo theksoi se arsyeja pse Rama vijon të qëndrojë në pushtet është se ?Përballë një qeverie të zhytur në skandale, kemi një opozitë të pabesueshme dhe të rremë?./ CNA.al





Lajmet e fundit nga