web counter
LEXO PA REKLAMA!

SHKARKO APP

App Store
Google Play

E fundit!

x

"Rama ka filluar manipulimet me zgjedhjet"/ Fatmir Mediu: Opozita të përgatitet për çdo skenar

9 Shtator 2020, 09:12, Politikë CNA

Kryetari i Partisë Republikane, Fatmir Mediu ka akuzuar kryeministrin Edi Rama se ka nisur të manipulojë zgjedhjet dhe se nuk pyet as për ligj dhe as për Kushtetutë. Sipas tij Rama po eleminon institucionet e vendit në interes të tij dhe opozita duhet të jetë e përgatitur për çdo skenar.

?Jemi përballë një njeriu që do të shkatërrojë këtë vend dhe që do të eleminojë institucionet siç ka bërë deri tani. Opozita duhet të jetë e përgatitur për çdo skenar dhe të ndërtojë qëllimet e veta politike. Rama ka filluar manipulimet me zgjedhjet, nuk pyet as për ligj, as për Kushtetutë. Opozita duhet të bëjë analizën e mbrojtjes së votës së shqiptarëve dhe duhet të vijë patjetër në pushtet. Është e rëndësishme të garantohen zgjedhje të lira dhe të ndershme?, u shpreh Mediu në një intervistë për Syri Tv.

I pyetur për datën e zgjedhjeve Mediu tha se duhej të ishin bërë kohë më parë. Sipas tij parregullsitë e zgjedhjeve lokale të 2017-ës duhet të kishin sjellë edhe zgjedhje të përgjithshme në vend.

?Zgjedhjet e përgjithshme duhet të ishin bërë kohë më parë për shkak të parregullsive të zgjedhjeve të 2017-ës. Pushteti lokal është një gjë jazshtëzakonisht e rëndësishme. Zgjedhjet lokale janë zgjedhje që janë denoncuar fort nga OSBE. Opozita duhet të kërkojë siç ka kërkuar, zgjedhje lokale?, tha Mediu.

Ai gjithashtu theksoi se ka qenë gjithnjë pro hapjes së listave, por kundër ndryshimeve Kushtetuese dhe mënyrës se si po vepron Rama.

?Unë kam qenë për hapje listash, por jo në mënyrën se si e bëri Edi Rama për interesat e veta politike për të deformuar procesin zgjedhor. Jam kundër ndryshimeve Kushtetuese. Opozita nuk duhet të lëjë asnjë shteg manipulimi për zgjedhjet?, tha Mediu. / CNA.al





Lajmet e fundit nga