Mos i neglizhoni/ 5 mënyra për të luftuar gripin

14 Dhjetor 2019, 21:47, Blog CNA

Gjatë stinës së ftohtë të dimrit, gripi është një fenomen i zakonshëm por jo i këndshëm. Nëse gripi ju mban mbërthyer dhe doni të lehtësoheni sa më shpejt, sipas The Guardian ekzistojnë disa masa të thjeshta që mund të funksionojnë.

Pyesni për antiviralët
Nëse filloni të shfaqni simptoma të gripit, mund të pyesni mjekun tuaj për ilaçet pa recetë. Ka ilaçe që funksionojnë duke bllokuar një enzimë që ndihmon virusin të infektojë qelizat e reja. Këto ilaçe janë më efektive nëse merren brenda 48 orëve nga simptomat e para dhe mund të shkurtojnë kohëzgjatjen e gripit në ditë. Është veçanërisht e rëndësishme të kërkoni ilaçe antivirale nëse keni sëmundje të tilla si diabeti ose probleme me zemrën, të cilat rrisin rrezikun e komplikimeve.

Pushoni
Hulumtimet kanë treguar që sasia optimale e gjumit e mban sistemin imunitar të shëndetshëm. Gjumi bën të mundur që trupi të mbajë një numër adekuat të qelizave të bardha të gjakut për të luftuar infeksionin. Mund t?ju parandajë edhe që të merrni gripin, pasi trupi do të jetë në gjendje të prodhojë më shumë antitrupa për t’iu përgjigjur imunitetit në mënyrë që t’ju mbrojë.

Kujdes se çfarë konsumoni
Pavarësisht nëse është supë e nxehtë, ujë ose lëng frutash, shumë ekspertë besojnë se është e rëndësishme të pini të paktën tetë gota prej 250 mililitrash lëngje në ditë gjatë një gripi. Simptomat e zakonshme të gripit si djersitja dhe rrjedhja e hundëve rrisin sasinë e ujit që trupi juaj humbet, kështu që marrja mbrapsht e lëngjeve parandalon dehidratimin. Ushqimet e pasura me vitaminë C, të tilla si kivi dhe specat jeshil, si dhe ato të pasura me beta-karoten antioksidues, siç janë karotat, patatet e ëmbla dhe kungull i njomë, mund të ndihmojnë në forcimin e sistemit tuaj imunitar.

Mbani temperaturën optimale dhe qëndroni në shtëpi
Mbajtja e trupit tuaj ngrohtë e ndihmon atë të ruajë energjinë për një “luftë imune”. Ekspertët rekomandojnë të qëndroni në shtëpi dhe të mos shkoni në punë, të pushoni në mënyrë që të mos përhapni virusin te njerëzit e tjerë. Qëndrimi në shtëpi gjithashtu mund të zvogëlojë rrezikun e komplikimeve të tilla si pneumonia.

Konsultohuni me mjekun tuaj
Hulumtimet kanë treguar që disa ilaçe mund të zvogëlojnë si kohëzgjatjen ashtu edhe ashpërsinë e gripit duke rritur imunitetin, duke ulur mukozën e frymëmarrjes dhe duke penguar aftësinë e virusit për t?u shumuar./CNA.al