E fundit!

07:07 Sociale

Reshje në formën e shtrëngatave/ Moti për ditën e sotme

Ditën e sotme vendi ynë do të ndikohet nga pothuajse e një...

Tashmë të dhënat mund të ruhen në kristal/ Zbulimi i madh i shkencëtarëve të Microsoft

14 Dhjetor 2019, 20:02, Blog CNA

Ekspertët në laboratorët e kërkimit të Microsoft kanë bërë publik një njoftim të rëndësishëm: Ata mund t?i ruajnë të dhënat në copëza kristali tashmë, arritje shkencore kjo e Projektit “Silica?.

Duke përdorur teknologjinë e përparuar të lazerit, shkencëtarët e Projektit Silica kanë qenë në gjendje të kodojnë të dhëna në kristal, duke krijuar prerje 3D dhe shtrembërime në thellësi si edhe duke krijuar kënde të ndryshme brenda një pjese xhami me madhësi 75 x 75 mm, vetëm 2 mm i trashë.

Algoritmet e veçanta të një makinerie “lexojnë” të dhënat e ruajtura duke deshifruar imazhet dhe vizatimet. Format e krijuara kalojnë si rreze e drite nëpër një copëz të vogël qelqi. Studiuesit e Microsoft kanë zgjedhur që e dhëna e parë që do të ruhet në këtë mjet të ri kujtese është filmi i parë blockbuster i Hollivudit, klasiku Superman, 1978.

Qelqi i fortë me silicë (kuarc) është jashtëzakonisht rezistent ndaj ujit, ekspozimit ndaj temperaturave të larta, deformimit nga mikrovala, rrezatimit magnetik dhe fërkimit. Në përgjithësi, duket se është në gjendje t?u mbijetojë rreziqeve mjedisore, gjë që sipas shkencëtarëve të Microsoft e bën atë ideal për të ruajtur arkivat e vlefshme historike dhe thesaret kulturore që humbasin zakonisht nga faktorë të tillë mjedisorë.

?Ruajtja e filmit Supermen në qelq është një moment historik i rëndësishëm për ne. Nuk po them që kemi përgjigje për çdo pyetje, por tani duket se jemi në proces të eksperimentimit dhe përmirësimit, në vend që thjesht të pyesim veten: a mund ta bëjmë ne këtë gjë??, tha Zyrtari Kryesor i Teknologjisë i Azure, Marc Russinovich.

Me ruajtjen e të dhënave në qelq, kostoja e ruajtjes së të dhënave mund të ulet në mënyrë drastike, pasi lazerët që regjistrojnë informacione jo thjesht e shtypin atë në një sipërfaqe, por e shkruajnë drejtpërdrejt në strukturën e qelqit, duke lejuar kështu që qelqi ta ruajë atë për shekuj të pandryshuar. Përveç kësaj, ruajtja në qelq e të dhënave do të zvogëlojë koston mjedisore të ruajtjes së të dhënave pasi qelqi nuk kërkon temperatura specifike për ruajtje, siç ndodh aktualisht me objektet masive të ruajtjes së të dhënave, dhe as nuk thith lagështi nga atmosfera për t’i ruajtur ato./Përshtatur nga CNA.al