Donald Trump e ka bërë NATO-n më të fortë

13 Dhjetor 2019, 07:34, Blog CNA

Nga Newt Gingrich ?Newsweek?

* Sapo mora një e-mail për mbledhje fondesh nga shtabi elektoral i ish-zv/presidentit Xho Bajden, që nënvizonte ndryshimin e thellë midis demokratëve dhe presidentit Donald Trump, në qasjen ndaj politikës së jashtme. Bajden shkruante:?A i patë pamjet e miqve dhe aleatëve tanë në Londër këtë javë? Udhëheqësit botërorë, po talleshin me presidentin e Shteteve të Bashkuara, teksa ai u fut sërish në siklet, dhe e dëmtoi imazhin e SHBA-së në një samit ndërkonbëtar?. Dëshira e dëshpëruar e demokratëve për t?u dashur nga të huajt, e përshkonte të gjithë e-mailin.

Në fakt, Bajden premton të ndjekë politika, që do ta bëjnë atë të pëlqyeshëm atë tek presidenti francez Makron. Natyrisht Makron, që deklaroi kohët e fundit se NATO-s ?i ka vdekur truri?, gëzon vetëm gjysmën e popullariteti që ka Trump në vendin e tij.

Ndërkohë qindra mijëra francezë, dolën sërish në rrugë fundjavën që shkoi, për të protestuar ndaj politikave të tij. Makron, kancelarja gjermane Merkel (koalicioni qeveritar i të cilës po përçahet, ndaj mund të humbasë pushtetin), dhe disa liderë të tjerë evropianë, e kundërshtojnë presidentin Trump për 3 arsye të forta.

Së pari, më shumë se sa çdo president që nga koha e Ronald Reganit, presidenca e Trump përfaqëson më së miri vlerat dhe interesat amerikane. Trump pret që udhëheqësit e tjerë të mbrojnë interesat e vendit të tyre, dhe ai me siguri që do të diskutojë bazuar në interesat e vendit të tij.

Së dyti, ekonomia nën Trumpin po forcohet, në një kohë që ekonomitë evropiane janë në një situatë të vështirë. Një ditë pasi shtabi i fushatës së Bajdenit e dërgoi këtë e-mail tek shumë njerëz, Departamenti amerikan i Punës, raportoi se Shtetet e Bashkuara shtuan në nëntor 266.000 vende të reja pune, rreth 80.000 më shumë nga sa parashikonin ekonomistët.

Ndërsa vendet e tjera po lëngojnë nga papunësia e lartë dhe rritja e ulët, ekonomia e Trump po prodhon një rritje të qëndrueshme ekonomike, një rritje të madhe të prodhimit të naftës dhe gazit, dhe nivelet më të ulëta të papunësisë në 50 vitet e fundit. Xhelozia, është një faktor domethënës në reagimin e liderëve të huaj ndaj presidentit Trump.

Së treti, me ekonominë më të madhe në botë, SHBA-ja harxhon 2 herë e gjysmë më shumë si përqindje ndaj PBB-së së saj sesa Gjermania, ekonomia e dytë më e madhe në NATO. Që të gjithë e pranojnë që ushtria amerikane është më e fuqishme se sa pjesa tjetër e marrë së bashku e NATO-s.

Dhe kjo prodhon më shumë xhelozi sesa respekt. Nën këtë mjedis, historia e parrëfyer është se sa i suksesshëm ka qenë presidenti Trump në bindjen e anëtarëve të NATO-s, që të rritin shpenzimet e tyre për mbrojtjen. Që kjo është një arritje e madhe, mund të shihet nga fakti që presidentët Bush dhe Obama, u përpoqën t?i detyrojnë anëtarët e NATO-s të rrisnin shpenzimet e tyre në mbrojtje, dhe dështuan që të dy.

Ndërkohë Trump ka pasur sukses. Ju nuk jeni të detyruar të më besoni mua, mbi shkallën e ndikimit të Trump ndaj NATO-s. Por ja çfarë tha së fundmi Sekretari i Përgjithshëm i NATO-s, Jens Stoltenberg, në konferencën e përbashkët për shtyp me presidentin Trump:?Më lejoni t?ju falënderoj për udhëheqjen që po tregoni, për çështjen e shpenzimeve në mbrojtje. Sepse është shumë e rëndësishme që të gjithë të kontribuojmë më shumë në sigurinë tonë të përbashkët. Dhe ju keni pasur një ndikim shumë real, pasi aleatët po shpenzojnë tashmë më shumë në mbrojtje?.

Pra për të qenë të qartë:shpenzimet për mbrojtjen e NATO-s, kanë qenë mbi 100 miliardë dollarë në vit, gjatë viteve 2016-2019. Gjatë viteve të ardhshme, parashikohet që përpjekjet e presidentit Trump, t?i çojnë në 500 miliardë dollarë shpenzimet e mbrojtjes nga anëtarët e NATO-s.

Kjo është një rritje e ndjeshme e forcës së aleancës, dhe një sinjal i fuqishëm për Rusinë e Putinit, dhe agresorët e tjerë të mundshëm. Ish-zv/presidenti Bajden, duhet ta rimendojë tekstin e e-mailit të tij për mbledhjen e fondeve. Ai është duke përfaqësuar me besnikëri, dëshirën e së majtës për një Amerikë të dobët, që duhet nga të huajt, por që dështon të përfaqësojë vendin e vet.

Sa i përket presidentit Trump, ai po përpiqet që SHBA-ja të ketë një ekonomi të fortë, një ushtri të fortë, dhe që aleatët të përmbushin detyrimet e tyre, në një kohë që mendimet e udhëheqësve të huaj, janë për të shumë më pak të rëndësishme, sesa veprimet e tyre.

Shënim: Republikani Newt Gingrich, është ish-kryetar i Kongresit Amerikan./ Përshtatur nga CNA.al