LEXO PA REKLAMA!

SHKARKO APP

Bixhoz me Dashurine/Sot do të ndiqni,Svetlana akuzon Om për përdhunim!

3 Korrik 2018, 09:08, Lifestyle CNA

Shivai debaton me Pinkin dhe i thotë se është 100% i bindur se Anika nuk i ka bërë asgjë Tias, prandaj i kërkon asaj që ta mbyllë këtë diskutim. Pinki ndihet thellësisht e lënduar dhe e fyer nga ai. Ajo akuzon Anikën se i ka bërë magji të birit. Pinki i thotë se me këtë veprim i ka thyer zemrën. Shivai kujdeset për duart e gjakosura të Anikës dhe i kërkon asaj falje për sjelljen e të ëmës. Shivai i premton asaj se askush nuk do t?i flasë më në atë mënyrë dhe nuk do ta akuzojë për gjëra të pavërteta. Anika i shpreh hapur Shivait habinë për faktin që ai e mbrojti para të ëmës. Shivai qartëson faktin që nuk ishte një përballje mes saj dhe Pinkit, por mes të drejtës dhe të gabuarës dhe ai është i bindur që Anika është e pafajshme.
Mjeku siguron se Tia është mirë por duke qenë se muajt e parë janë shumë të rrezikshme, nuk duhet të stresohet aspak. Shivai kujdeset për Tian. Tia lajmëron mamanë e saj se edhe ky plan u dështoi. Zonja Kapur nuk mundet ta besojë, por ka gati planin e rradhës. Shivai ka frikë se sulmi me xhama në sheqer ka qenë i destinuar për Anikën dhe jo Tian, prandaj i kërkon sigurimit që të gjejnë menjëherë Svetlanën. Shivai thotë në telefon se kjo është një çështje shumë urgjente, pasi Anika është tepër e rëndësishme për të dhe nuk mund të lejojë që t?i ndodhë diçka e keqe. Anika e dëgjon fshehurazi dhe preket shumë nga fjalët e tij. Anika e falenderon për kujdesin që ai po tregon për të dhe besimin.

Om është zhdukur nga shtëpia pa i thënë askujt. Ndërkohë Tixh xhindoset pasi ka lajmëruar familjen Çada që të vijnë për shpalljen e fejesës. Shivai e siguron se nuk do lejojë që Om të martohet pa dëshirë. Tixh këmbëngul në të vetën. Om kthehet në shtëpi dhe mëson për këtë situatë. Pak më pas vjen Svetlana në një gjendje të mjerueshme. Ajo i shokon të gjithë kur thotë se Om e ka përdhunuar.

Ajo ka edhe një video për ta vërtetuar këtë. Tixh qëllon Omkarën dhe i thotë se i ka ulur kokën me këtë veprim. Shivai mbron Om duke mos besuar akuzat e Svetlanës dhe as provat e saj. Edhe Xhanvi mbron djalin e saj. Om largohet mes lotësh nga akuzat e Tixh. Pas kësaj, Tixh merr vendimin që të ndahet nga Xhanvi dhe të largohet nga shtëpia. Ai largohet me Svetlanën dhe thotë se nëse Om nuk do ishte i biri do ta kishte vrarë sot.

Anika i thotë Shivait se e adhuron për faktin që i do aq shumë vëllezërit e tij. Zonja Kapur kërcënon sërish Shivain me të vërtetën për Om. Tia akuzon Sahilin se i ka vjedhur varësen. Anika shokohet pasi Shivai e pyet djaloshin nëse e ka marrë ai apo jo, por nga ana tjetër është Zonja Kapur që kërcënon Shivain me videon e Om, nëse ai mbron ende Anikën.

Lajmet e fundit nga