web counter
LEXO PA REKLAMA!

SHKARKO APP

App Store
Google Play

Fundjava “rrit” temperaturat/ Rikthehen valët e të nxehtit

16 Korrik 2022, 08:03, Sociale CNA

Fundjava “rrit” temperaturat/ Rikthehen valët e të nxehtit

Në orët e mesditës së të shtunës  pritet që kthjellimet të jenë mbizotëruese në të gjithë vendin, por në zonat e thella malore do të ketë herë pas here kalime të lehta të vranësirave.

Ndërsa pas mesdite vranësirat në zonat malore do të bëhen më të dukshme, ku në zonat verilindore dhe pjesërisht lindore vranësirat do pësojnë zhvillime të përkohshme, të cilat do të sjellin shira të pakët dhe të izoluar.

Temperaturat e ajrit do të rriten ndjeshëm në mëngjes dhe në mesditë duke luhatur vlerat ditore nga 17°C deri në 38°C.

Era do fryjë e lehtë dhe mesatare me shpejtësi 38 km/h nga drejtimi verior - veriperëndimor duke krijuar në det dallgëzim 2 - 3 ballë.

Ndërsa të dielën, sipas MeteoAlb, valët e të nxehtit që po përfshijnë vendin tonë do të sjellin temperatura shumë të larta.

Kushtet e motit paraqiten në dominimin e kthjellimeve në zonat bregdetare dhe të ulëta, ndërsa në zonat malore do të ketë vranësira të pakta. Por pasditja sjell zhvillim të vranësirave në juglindje të Shqipërisë duke gjeneruar shira të izoluar.

Temperaturat e ajrit do të rriten lehtë në mëngjes dhe në mesditë duke luhatur vlerat ditore nga 18°C deri në 39°C.

Era do fryjë e mesatarisht në det me shpejtësi 40 km/h nga drejtimi verior - veriperëndimor duke krijuar dallgëzim 3 ballë./CNA.al





Lajmet e fundit nga