LEXO PA REKLAMA!

SHKARKO APP

E fundit!

x

Freski edhe në prag fundjave/ Temperaturat rriten vetëm me një gradë

15 Korrik 2022, 08:05, Sociale CNA

Freski edhe në prag fundjave/ Temperaturat rriten vetëm me një

Zonat Bregdetare dhe të ulëta gjatë paradites do të mbizotërohen nga moti i kthjellët, ndërsa vranësirat e lehta do të jenë të fokusuara në zonat malore. Por, në orët vijuese vranësirat e pakta do të shfaqen pjesërisht edhe në zonat e ulëta. Bregdeti edhe pas mesdite do të vijojë të dominohet nga kthjellimet.

Temperaturat e ajrit do të rriten lehtë në mëngjes dhe në mesditë duke luhatur vlerat ditore nga 15°C deri në 36°C.

Era do të fryjë e mesatarisht në det me shpejtësi 30 km/h nga drejtimi veriperëndimor-perëndimor duke krijuar dallgëzim 1-2 ballë.

Ndërsa nesër, me 16 korrik, sipas MeteoAlb, pjesa e parë e ditës do të jetë në ndikimin e kthjellimeve në pothuajse gjithë territorin shqiptar.

Por gjatë pjesës së dytë të ditës parashikohet që vranësirat kalimtare të bëhen më të dukshme në zonat malore, ku në zonat veriore do të krijojnë mundësi për momente të pakta me pika shiu.

Ndërsa pjesa më e madhe e zonës së ulët dhe bregdeti do të jenë kryesisht me kthjellime.

Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 17°C deri në 37°C.

Era do të fryjë e lehtë dhe mesatare me shpejtësi 33 km/h nga drejtimi perëndimor duke krijuar në det dallgëzim 1-2 ballë./CNA.al

Lajmet e fundit nga