LEXO PA REKLAMA!

SHKARKO APP

Temperatura deri në 34°C/ Moti për sot dhe për nesër

14 Korrik 2022, 08:05, Sociale CNA
Temperatura deri në 34°C/ Moti për sot dhe për nesër
Foto ilustruese

Orët e para të ditës së sotme do të dominohen nga kthjellimet në pothuajse gjithë vendin, por në zonat malore do të ketë herë pas here kalime të pakta vranësirash.

Ndërsa pas mesdite pritet që vranësirat e lehta dhe kalimtare të shfaqen në zonën e ulët dhe në një pjesë të mirë të bregdetit.

Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 14°C deri në 34°C.

Era do të fryjë e lehtë dhe mesatare me shpejtësi 35 km/h nga drejtimi veriperëndimor duke krijuar në det dallgëzim 2 ballë.

Ndërsa, ditën e nesërme, zonat bregdetare dhe të ulëta gjatë paradites do të mbizotërohen nga moti i kthjellët, ndërsa vranësirat e lehta do të jenë të fokusuara në zonat malore.

Në orët vijuese vranësirat e pakta do të shfaqen pjesërisht edhe në zonat e ulëta. Bregdeti dhe pas mesdite do të vijojë të dominohet nga kthjellimet.

Temperaturat e ajrit do të rriten lehtë në mëngjes dhe në mesditë duke luhatur vlerat ditore nga 15°C deri në 36°C.

Era do të fryjë mesatarisht në det me shpejtësi 30 km/h nga drejtimi perëndimor-veriperëndimor, duke krijuar dallgëzim 1-2 ballë./ B.A. – CNA.al

Lajmet e fundit nga