LEXO PA REKLAMA!

SHKARKO APP

Bien në minus 6 gradë temperaturat/ I ftohti “mbërthen” vendin

21 Janar 2023, 08:07, Sociale CNA

Bien në minus 6 gradë temperaturat/ I ftohti

Territori shqiptar mbetet nën ndikimin e masave ajore me origjinë nga Verilindja e kontinentit europian duke bërë që të vijojë rënia e temperaturave të ajrit.

Gjithashtu vijojnë të jenë prezente vranësirat e shumta në vendin tone.

Pritet që here vranësirat pas here të pësojnë zhvillime duke gjeneruar reshje. Parashikohet që reshjet e shiut të shfaqen pothuajse në të gjithë ultësirën perëndimore.

Ndërsa Veriu dhe gjithë shtrirja Lindore do të jenë në dominimin e reshjeve të dëborës.

Temperaturat e ajrit do të vijojnë të ulen ndjeshëm në mëngjes dhe në mesditë duke u luhatur nga -5°C deri në 11°C.

Era do të fryjë e fortë si në tokë dhe në det me shpejtësi 60 - 65 km/h nga drejtimi Jugor duke krijuar në brigjet detare dallgëzim 6 ballë.

Moti, e diel, 22 janar 2023

Sipas MeteoAlb, prej disa ditësh vendi ynë ndodhet nën zhvillimin e një qëndre të presionit të ulët atmosferik e vendosur në Veriperëndim të Ballkanit duke diktuar motin edhe në Shqipëri.

Parashikohet që vranësirat e shumta herë pas here të zhvillohen duke sjellë reshje edhe në formën e rrebesheve në zonat bregdetare dhe pjesërisht në zonën e ulët.

Ndërsa dëbora do të vijoj të jetë prezente në të gjithë zonën malore, por rrezikohet pjesërisht zona e ulët në disa qytete të ketë shfaqje të dëborës.  

Temperaturat e ajrit do të ulen në mëngjes, por mbeten kostante në mesditë duke u luhatur nga -6°C deri në 11°C.

Era do të fryjë e fortë si në tokë dhe në det me shpejtësi 50 km/h nga drejtimi Jugor-jugperëndimor duke krijuar në brigjet detare dallgëzim 4 - 5 ballë./CNA.al

Lajmet e fundit nga