E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Video-“Zhbllokohen” porti i Durrësit dhe Vlorës, Saranda e paralizuar/ Moti i keq mban “peng” anijet e peshkimit

19 Janar 2023, 09:53, Sociale CNA

Video-“Zhbllokohen” porti i Durrësit dhe Vlorës, Saranda e

Drejtoria e Përgjithshme detare ka njoftuar se ka nisur lëvizja e trageteve në Portin e Durrësit dhe Vlorës në drejtim të Italisë dhe anasjelltas.

Në portin e Sarandës anijet pasagjere të linjës Sarandë-Korfuz-Sarandë nuk janë lejuar që të nisen nga të dyja anët e porteve.

Në portin e Shëngjinit situata është e qetë dhe pa probleme.

Ndërsa për anijet e peshkimit dhe mjetet e vogla është pezulluar lundrimi në të gjitha portet deri në një njoftim të ri.

Situata në portet dhe radat për datën 19.01.2022

Në portin Durrës tragetet që operojnë në linjën Durrës-Bari-Durrës janë nisur nga porti i Durrësit trageti Rigel III dhe GNV, kurse nga porti i Barit në drejtim të portit të Durrësit janë nisur tragetet Rigel VII dhe Marina, të cilat priten që të mbërrijnë rreth orës 11.

Kurse për mjetet e vogla dhe anijet e peshkimit është i pezulluar lundrimi.

Në Portin e Vlorës për linjën Vlorë-Brindisi-Vlorë është nisur nga Porti i Brindisit trageti Ioan Star dhe pritet që të mbërrijë në portin e Vlorës rreth orës 14:00. Kurse për mjetet e vogla dhe anijet e peshkimit është i pezulluar lundrimi.

Në portin e Sarandës anijet pasagjere të linjës Sarandë-Korfuz-Sarandë nuk janë lejuar që të nisen nga të dyja anët e porteve. Kurse për mjetet e vogla dhe anijet e peshkimit është i pezulluar lundrimi.

Në portin e Shëngjinit situata është e qetë dhe pa probleme.

Për anijet e peshkimit është pezulluar lundrimi deri në përmirësimin e situatës.

Situata meterologjike detare do të përmirësohet ditën e sotme pasdite, por dita e shtunë do të shoqërohet me erë të fuqishme nga drejtimi J JP me shpejtësi mbi 35 nyje në orë dhe me det me lartësi dallge mbi 4 m.

Përmirësimi i motit do të fillojë ditën e diel, datë 22 janar 2023./CNA.al