web counter
LEXO PA REKLAMA!

SHKARKO APP

App Store
Google Play

E fundit!

x

Stuhi dhe përmbytje/ Metereologët paralajmërojnë përkeqësim të motit

17 Janar 2023, 08:04, Sociale CNA

Stuhi dhe përmbytje/ Metereologët paralajmërojnë

Zhvillimi i një qendre të presionit të ulët atmosferik në Ballkanin Veriperëndimor do të vijojë të diktojë kushtet e motit edhe në Shqipëri duke sjellë vranësira të dendura, të cilat do të gjenerojnë reshje shiu dhe dëbore.

Pritet që reshjet herë pas here të jenë dhe në formën e rrebesheve ku më intensive do të jenë në zonat Veriperëndimore të vendit tonë.

Parashikohet që më të dukshme reshjet të jenë në orët e pasdites dhe mbrëmjes.

Temperaturat e ajrit do të vijojnë të rriten lehtë në mëngjes dhe në mesditë duke u luhatur nga 2°C deri në 17°C.

Era do të fryjë mesatare dhe e fortë me shpejtësi 65 – 70  km/h nga Jugperëndimi për pasojë në brigjet detare do të gjenerohet dallgëzim 6 ballë.

Moti, nesër, e mërkurë, 18 janar 2023

Sipas MeteoAlb, zhvillimi i mëtejshëm i vranësirave do të bëjë që territori shqiptar të përjetojë shira intensivë si edhe stuhi të forta ere duke rrezikuar në shumë zona të ultësirës perëndimore edhe përmbytje.

Ndërsa në zonat malore lindore do të ketë edhe reshje të dendura dëbore.

Parashikohet që kushtet e paqëndrueshme atmosferike të vijojnë edhe gjatë natës duke bërë që reshjet e shiut dhe dëborës të jenë prezente.

Temperaturat e ajrit do të rriten lehtë në mëngjes por mesdita ruan të njëjtat vlera konstante duke u luhatur nga 3°C deri në 17°C.

Era do të fryjë e fortë si në tokë dhe në det me shpejtësi 65 km/h nga drejtimi Jugor-jugperëndimor duke krijuar në brigjet detare dallgëzim 6 ballë./CNA.al





Lajmet e fundit nga