LEXO PA REKLAMA!

SHKARKO APP

E fundit!

x

Shitjet "online" shmangin faturat tatimore/ Mallrat e luksit kalojnë nën “hundën” e doganierëve dhe tatimorëve pa u prekur

17 Janar 2023, 15:08, Sociale CNA

Shitjet "online" shmangin faturat tatimore/ Mallrat e luksit

Shitjet "online" nëpërmjet rrjeteve sociale, shmangin faturat tatimore.

Nuk bëhet fjalë për shitje të produkteve të lira, por për produkte dhe mallra luksi, pa paguar asnjë taksë në shtet.

Një skandal i tillë, që prodhon evazion fiskal në vendin tonë nëpërmjet rrjetit social "Instagram" ndodh që prej vitit 2019.

CNA.al ka mësuar nga burime të saj se subjekte që nuk kanë asnjë numër NIPT-i nuk kryejnë asnjë zhdoganim, nuk paraqesin asnjë numër celulari, por vetëm nëpërmjet kontakteve në rrjetin "Instagram" kryejnë hapur evazion fiskal.

Produktet nga më të ndryshme, por sidomos ato me vlera shumë të larta si karroca fëmijësh, krevate veshje etj, nuk disponojnë asnjë faturë tatimore e shpërndahen lirshëm në treg.

Kujtojmë se bëhet fjalë për mallra luksi si p.sh. karrocat Cybex, Stokke, etj., që kanë vlera shitjeje shumë të larta nga 500€ deri 4000 €.

Si kalon malli i luksit nën hundën e doganierëve dhe tatimorëve

Sipas të njëjtave burime, këto mallra vijnë lirshëm nga Anglia dhe nuk i ushtrohen asnjë kontrolli nga doganat shqiptare, kryesisht ajo e Durrësit.

Mallrat disa herë në javë, nëpërmjet furgonëve, kalojnë në Durrës pa bërë asnjë specifikim të përmbajtjes së tyre.

Më pas vazhdojnë shitjen e lirë në tregun shqiptar nëpërmjet rrjeteve sociale duke mos pasur asnjë faturë tatimore bashkëngjitur.

Produktet dalin në treg më lirë se subjektet që paguajnë doganë, taksa, tatime, qira, punonjës etj…duke e bërë një treg kaotik dhe asnjë interes për subjektet serioze./CNA.al

Lajmet e fundit nga