LEXO PA REKLAMA!

SHKARKO APP

E fundit!

x

Nga veshjet me bikini te njerëzit me xhupa dhe çadra/ Tirana, në një ditë me shi

19 Janar 2023, 12:59, Sociale CNA
Nga veshjet me bikini te njerëzit me xhupa dhe çadra/ Tirana,
Foto ilustruese

Prej ditësh, moti i keq ka përfshirë territorin shqiptar, me reshje shiu intensive, të cilat në disa zona kanë krijuar përmbytje.

Disa zona kanë mbetur pa energji elektrike dhe Ministria e Arsimit njoftoi se është pezulluar mësimi në 56 shkolla në vend.

Përmes disa fotove të shkrepura nga LSA, paqyrohet se si duket kryeqyteti në një ditë me shi.

Ajo që është pjesë e pandashme e përditshmërisë sonë është trafiku i rënduar, që në fakt nuk ndodh vetëm në ditë me shi.

Një tjetër detaj që të bie në sy është kontrasti mes reklamave të dyqaneve dhe posterave me bikini me njerëzit me xhupa dhe çadra në duar teksa nxitojnë të kryejnë aktivitetet e tyre pavarësisht kushteve të motit.

Pamjet gjithashtu tregojnë edhe disa problematika që ende prekin kryeqytetin, siç janë rrugët me gropa që gjatë ditëve me shi mbushen me ujë dhe janë një tjetër shqetësim për kalimtarët.

Kështu, përmes këtyre fotove mund të shihni se si është Tirana në një ditë të zakonshme me shi./ CNA.al

Lajmet e fundit nga