E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Një gotë verë e kuqe/ Ja cilat janë përfitimet që sjell në shëndetin tonë

12 Korrik 2022, 15:30, Shëndeti CNA

Një gotë verë e kuqe/ Ja cilat janë përfitimet që

Foto ilustruese

Vera e kuqe, pija e cila nuk mungon në sofrat tona, mund të ndryshojë në shije dhe në ngjyrë, ndërsa përfitimet shëndetësore që mund të kemi nga ajo janë të njëjta. Edhe pse kjo temë është debatuar për një kohë të gjatë, studimet e fundit kanë hedhur dritë në lidhje me benfitet verës.

Vera e kuqe ka aftësinë të ulë nivelin e kolesterolit në trupin tonë. Sipas dietologëve, një gotë verë e kuqe është një alternativë më e shëndetshme sesa pijet e forta ose birrat.

Polifenolet që gjenden në këtë pije janë antioksidantë të fortë, të cilët funksionojnë për të reduktuar “stresin oksidativ” që ndodh natyrshëm brenda qelizave të trupit tonë dhe është i lidhur me sëmundjet e demencës, tumorin, diabetin dhe shëndetin e dobët të zorrëve.

Ndërsa Resveratroli, një tjetër antioksidant ndikon në një shëndet më të mirë të zemrës, me nivele më të larta të kimikatit, të lidhura me efekte anti-inflamatore që ndihmojnë në trajtimin e kancerit dhe sëmundjeve të tjera.

Një gotë verë e kuqe/ Ja cilat janë përfitimet që

Konsumimi i këtyre antioksidantëve konsiderohet të jetë përfitimi kryesor shëndetësor i pirjes së verës së kuqe. Për të forcuar ndikimin e tyre është e këshillueshme që të shtohen në dietën tuaj edhe manaferrat.

Falë kësaj pije, rreziku i kancerit në trupin tuaj ulet, pasi konsumimi i rregullt dhe i moderuar i verës së kuqe mund të zvogëlojë në mënyrë efektive rreziqet e llojeve të caktuara të kancerit, si kanceri i qelizave bazale, zorrës së trashë, karcinoma e veshkës, vezoreve, etj.

Vera gjithashtu redukton rrezikun e depresionit. Një studim i kryer te personat e moshës së mesme dhe të moshuar tregoi se pirja e sasive të moderuara të alkoolit çdo ditë mban larg depresionin. Njerëzit që pinë verë të kuqe kanë më pak gjasa të jenë në depresion sesa njerëzit që nuk pinë./ Përshtatur nga CNA.al