web counter
LEXO PA REKLAMA!

SHKARKO APP

App Store
Google Play

E fundit!

x

Rritja e rasteve me COVID/ Flasin epidemiologët, këshilla për qytetarët

6 Korrik 2022, 20:30, Shëndeti CNA
Rritja e rasteve me COVID/ Flasin epidemiologët, këshilla për
Epidemiologët

Komiteti Teknik i Ekspertëve iu rikthye mbledhjeve sot pas përkeqësimit të situatës së COVID-19 në Shqipëri, ku kemi një rritje të infektimeve, deri rreth 1 mijë në ditë, dje dhe sot, ndërsa janë shënuar edhe humbje jete. Ekspertët thanë se në këtë moment nuk do të ketë masa shtesë, ndërsa rekomanduan vaksinimin me dozën e tretë dhe mbajtjen e maskave në ambientet e mbyllura.

Për këtë çështje u diskutua mbrëmjen e së mërkurës në "Debat" në "A2 CNN", ku epidemiologët dhanë arsye se pse u rritën rastet në këtë periudhë të vitit.

“Kjo ishte një situatë e pritshme. COVID-i ka qarkulluar me valë që kanë pasur pikun e tyre. Tani jemi në fillimin e një vale të re, që është vala e fillimit të stinës së verës, e cila po ndihet edhe në Europë. Kjo valë nuk ka ardhur si pasojë e heqjes së masave. Mbizotëron varianti BA.2, por ka edhe qarkullim të varianteve BA.4 dhe BA.5”, u shpreh epidemiologu Artan Simaku.

Ndërkohë, epidemiologu Ledion Shapo mendon ndryshe, duke thënë se kjo situatë nuk ishte e pritshme në Shqipëri, meqenëse pati një periudhë gati 3-mujore me raste të pakta.

“Nuk ka qenë e pritshme pas 3 muajsh qetësi absolute. Situata tani është ndryshe. Në Britani, BA.4 dhe BA.5, nënvariante të Omicron janë duke qarkulluar që nga marsi dhe kanë krijuar një valë të re. Të paktën varianti BA.5 është rreth 35% më i transmetueshëm krahasuar me BA.2, i cili anashkalonte imuniteti e krijuar deri në këto momente. Unë besoj se në Shqipëri ka hyrë BA.4 dhe BA.5. Me lëvizjet e dendura të njerëzve”, u shpreh Shapo./CNA.al





Lajmet e fundit nga