web counter
LEXO PA REKLAMA!

SHKARKO APP

App Store
Google Play

Infeksionet gjinekologjike/ Mjeku: Për çfarë duhet të kenë kujdes vajzat dhe gratë

12 Korrik 2022, 10:18, Shëndeti CNA
Infeksionet gjinekologjike/ Mjeku: Për çfarë duhet të
Mjeku obstetër gjinekolog, Rustem Celami

Mjeku obstetër-gjinekolog, Rustem Celami, ka folur mëngjesin e sotëm për infeksionet gjinekologjike gjatë stinës së verës.

Celami tha se infeksionet janë më të shumta në verë, pasi merren edhe në pishina, apo nga mbajtja e rrobave të lagura dhe përdorimi i sheqerit e alkoolit.

“Me rritjen e temperaturave ndryshon edhe organizmi jonë, sëmundëshmëria është më prezente te ne. Sa i përket me rritjen e temperaturës, lagështirës dhe moskujdesjes që të ofron stina e verës, me pushimet, me përdorimin e pishinave, me plazhet, me mbajtjen e rrobave të lagura dhe ushqimet, përdorimi lehtësisht i sheqerit, apo produktet dhe alkoolit, bën që shumë patologji përfshirë edhe infeksionet janë prezente te femrat dhe te meshkujt, po te femrat janë më shpesh prezente. Shpesh për fat të keq, ata i neglizhojnë, marrin mjekim pa konsultë dhe shpesh kemi dhe komplikime afatgjata”, u shpreh mjeku në Abc News, ndërsa tregoi edhe infeksionet më të shpeshta.

“Më të shpeshti te femrat është myku, por janë bakteriozat vaginale si të thuash infeksionet më banale nëse do i quajmë. Do të thotë rishfaqen gjatë vitit, nuk do të thotë morëm një mjekim dhe një person nuk do të ketë më infeksione vaginale. Mund të përsëriten dhe normalisht çdo femër, apo çdo person që mund të jetë seksualisht aktiv fillojnë të shfaqen këto probleme. Por edhe stili i jetesës së personit ndikon në një mënyrë apo një tjetër”, theksoi gjinekologu./ B.A. – CNA.al





Lajmet e fundit nga