web counter
LEXO PA REKLAMA!

SHKARKO APP

App Store
Google Play

Shtimi i rasteve me COVID/ Alimehmeti: Kemi të bëjmë me një variant të Omicron

11 Korrik 2022, 08:20, Shëndeti CNA
Shtimi i rasteve me COVID/ Alimehmeti: Kemi të bëjmë me një
Epidemiologu, Ilir Alimehmeti

Ditët e fundit në Shqipëri ka pasur një rritje të rasteve të reja me koronavirus.

Epidemiologu, Ilir Alimehmeti, tha për “Euronews Albania” se kemi të bëjmë me një vale të re, për shkak të një varianti të Omicron.

Sipas tij, edhe pse ka rritje, ky variant nuk shkakton forma të rënda dhe humbje jetësh.

“Është një valë e re, e cila nuk ishte krejtësisht e paparalajmëruar. Kemi të bëjmë me një variant të Omicron, njihet si BA5. Filloi në Afrikën e Jugut në gjysmën e prillit, u rritën rastet deri në gjysmën e majit, ranë rastet deri në gjysmën e qershorit dhe nuk u pa ndonjë situatë nga ato që kishim parë më përpara.

Në Europë, Portugalia ishte e para, në fillim u rritën rastet dhe tanimë janë ulur. Gjermania, Franca, Italia. Sërish nuk sheh situatë spitalore dhe të humbjeve të jetëve. Tani, Shqipëria ka rritje të rasteve. Paçka se ka një rritje graduale të lehtë, nuk është ajo rritja eksponenciale që kemi parë në valët e tjera”, u shpreh Alimehmeti.

Ai ripërsëriti thirrjen e tij për mosvaksinimin e fëmijëve, pasi sipas tij, COVID-i prek kryesisht moshat e vjetra dhe njerëzit e sëmurë.

Alimehmeti shtoi se vaksinimi është goxha efektiv për të evituar format e rënda dhe shtrimet spitalore te moshat e vjetra./ Euronews Albania





Lajmet e fundit nga