web counter
LEXO PA REKLAMA!

SHKARKO APP

App Store
Google Play

E fundit!

x

"Zjerm", në kalanë Rozafa

9 Gusht 2025, 13:03, Qyteti im CNA

"Zjerm", në kalanë Rozafa

Shkodra Elektronike zgjodhi kalanë e Shkodrës në një mbrëmje të veçantë duke sjellë emocione përmes një koncerti në kështjellën mitike.

Këngët më të mira të grupit që ndezi Eurovizionin u përformuan përpara publikut të pranishëm.

Nata kulmoi me këngën e dashur për të gjithë shqiptarët, “Zjerm”.

Pas koncertit dyshja Kolë Lacaj dhe Beatriçe Gjergji treguan emocionet e tyre të mëdha kur këndojnë në Shkodër duke u shprehur se do të vijojnë me këngë të reja dhe koncerte gjatë kësaj vere...

 

“Po më lart se kurrë, në fakt edhe në Prizren kemi qenë lart, gjithmonë po përformojmë nepër kala dhe është gjë e bukur, dy koncerte rresht në dy kala, në Prizren dhe Shkodër prandaj kemi pushtuar gjithë kalatë e Ballkanit. Do të publikojmë këngë të reja, album të ri brenda vitit që vjen. Kemi gjërat gati për të vazhduar, jemi në punë. Pavarësisht prej këngës 'Zjerm' dhe Eurovizionit gjëja më e bukur që na ka ndodhur publiku e ka ndier veten, në gjithë Shqipërinë them dhe këtë na e thonë njerëzit kur i takojmë, ndihen të përfaqësuar me këtë gjë që bëjmë dhe këngët që këndojmë”, tha Kolë Lacaj.

“Shumë mirë sonte, jam transformuar në një princeshë. Gjithmonë kemi emocione kur vijmë në Shkodër”, u shpreh Beatriçe Gjergji.

Pjesë e kësaj mbrëmje bashkë me grupin Shkodra Elektronike ishte edhe kori iso-polifonik i jugut ndërsa të pranishmit shijuan edhe disa prej këngëve të njohura shkodrane në këtë festë që zgjati deri në orët e vona nën tingujt e muzikës në kalanë Rozafa.





Lajmet e fundit nga