web counter
LEXO PA REKLAMA!

SHKARKO APP

App Store
Google Play

E fundit!

x

Koncertet e verës në Shkodër/ Smaja: Aktivitete festive në shesh, në kala, Shirokë dhe Velipojë

8 Gusht 2025, 14:42, Qyteti im CNA

Koncertet e verës në Shkodër/ Smaja: Aktivitete festive në

Sheshi para Bashkisë Shkodër u mbush mbrëmjen e së enjtes me qytetarë të shumtë dhe vizitorë për të shijuar një koncert elektrizues nga këngëtari i mirënjohur Ledri Vula.

Me energjinë e tij dhe hitet e njohura, Ledri ndezi atmosferën duke e kthyer mbrëmjen në një festë për qytetin.

Drejtorja e Kulturës në Bashkinë Shkodër, Sara Smaja, u shpreh se që nga nisja e sezonit veror, qyteti ka përjetuar një seri eventesh festive të jashtëzakonshme.

Ajo shtoi se edhe në ditët dhe javët në vijim, në çdo zonë turistike të Shkodrës do të organizohen koncerte dhe aktivitete me emra të njohur të artit shqiptar dhe më gjerë.

 

“Vera ka qenë elektrizuese në Shkodër. Ne i kemi nisur që nga qershori aktivitetet, ka pasur koncerte fantastike. Sonte kemi një tjeter koncert madhështor dhe sheshi, siç e shihni, është mbushur me njerëz. Në sheshin përpara Bashkisë do të ketë koncerte të tjera deri në fund të muajit gusht po ashtu koncerte e aktivitete do të ketë në Shirokë, Velipojë dhe kalanë Rozafa. Shkodra Elektronike janë rikthyer me një koncert në shesh, por do të kemi edhe shumë të tjerë. Luiz Ejlli do të rikthehet në Shkodër, por edhe shumë emra të tjerë. Në përmbyllje do kemi koncert në Shirokë me tenorin e madh Saimir Pirgu së bashku me orkestrën simfonike të Shkodrës për të përmbyllur kështu koncertet verore në bashkinë tonë”, tha Smaja.

 

Në nisje të performancës së tij, Ledri Vula ndau me publikun kënaqësinë e të qenit në Shkodër.

“Faleminderit për mikpritjen, Shkodra qyteti më i mirë në botë. Ndihem mirë, faleminderit që keni ardhur për të festuar sonte”, u shpreh këngëtari Ledri Vula.

 

Koncertet e verës do të vijojnë të jenë epiqendra e argëtimit këtë sezon, një skenë e hapur ku muzika, kultura dhe turizmi bashkohen në mbrëmje festive./ CNA





Lajmet e fundit nga