web counter
LEXO PA REKLAMA!

SHKARKO APP

App Store
Google Play

E fundit!

x

"Tek Uçkat si dikur"/ Plazhi që ruan kujtimet e pogradecarëve

20 Korrik 2025, 14:06, Qyteti im CNA

 

Këtë fundjavë, në plazhin më të vjetër të Pogradecit, tek “Uçkat”, u rikthyen kujtimet dhe lojrat e dikurshme të liqenit. Fëmijët kapën peshk me vazo, të rinjtë bënë gara noti, ndërsa pushuesit panë se si jetonte Pogradeci në vitet e shkuara. Pikërisht ky vend ka qenë edhe skena e xhirimeve të filmit "Mëngjese Lufte".

 

Rita Topulli, një pogradecare e vjetër, tregon me mall fëmijërinë e saj në këtë breg liqeni, që nga kapja e peshkut me kavanoz.

"Tek Uçkat si dikur"/ Plazhi që ruan kujtimet e

"Që në mëngjes e deri në darkë si rosat rrinim, zinim peshk me vazo, I hidhnim i mbushnim prap. Ky ishte vendi me i bukur që ekzistonte atë kohë. Bënim not, gara me njeri tjetrin, shkonim në ura. Jam e kënaqur që po ripërsëritet historia e shohim fëmijërinë tonë”, shprehet Rita.

 

Një pushuese tregon se për herë të parë e provoi këtë mënyrë tradicionale peshkimi, ashtu siç e kishte parë nënën e saj dikur kur ishte e vogël.

 

"Tek Uçkat si dikur"/ Plazhi që ruan kujtimet e

"Asnjëherë nuk kisha kapur kështu, kisha parë mamin tim, ishte argëtuese e u bashkova e unë me fëmijët."

 

"Tek Uçkat si dikur"/ Plazhi që ruan kujtimet e

Liljana Busho dhe Sotiraq Iftica, rekordmenë të notit dhe trajnerë të brezave, shprehen se sporti i notit po i rikthehet qytetit, ndërsa të rinjtë po e përqafojnë sërish këtë traditë të hershme pogradecare.

 

"Më riktheu kohën e 58 vite më parë, kam nostalgji për fëmijët, gjynah qe vend mos ketë notarë, duhet investim i madh."

 

"Mu rikthyen kujtimet këtu quhen Uçkat. Janë luajtur filma dhe notojnë notarët. Mundohemi, kemi disa grupe moshash. Është rikthyer noti tashmë, bëjmë dy aktivitete dhe maratonën e Notit për nder të Agron Ruvinës."

"Tek Uçkat si dikur"/ Plazhi që ruan kujtimet e

 

Në aktivitet u prezantua një ekspozitë e rrallë historike, me foto të realizuara nga fotografë francezë dekada më parë dhe të fotografit pogradecar Misto Cici, të cilat sjellin atmosferën e plazhit të “Uçkave” në vitet e largëta, një shekull më parë.

 

 

"Kjo ekspozitë lidhet me këtë plazh, foto të bërë gjatë pushtimit francez por e fotografë pogradecare si Misto Cici, e sjell këtë plazh ashtu siç ka qenë një shekull më parë”, shprehet Ledjan Zeqollari, Drejtor i Turizmit dhe Trashëgimisë Kulturore

"Tek Uçkat si dikur"/ Plazhi që ruan kujtimet e

Ndërkohë, një pushuese e huaj që viziton për herë të parë Shqipërinë, shprehet e mahnitur nga Pogradeci dhe bukuritë e tij natyrore.

 

"Isha në Shkodër, Ksamil, Korçë e tani në Pogradec. Me pëlqen shumë Pogradeci. Liqeni është fantastik, mikpritja, ushqimi, pamja. Është vend çlodhës."

 

"Tek Uçkat si dikur"/ Plazhi që ruan kujtimet e

 

"Tek Uçkat si dikur"/ Plazhi që ruan kujtimet e

 

Plazhi i “Uçkave” është rijetësuar vitet e fundit, zonës iu shtua një atelie natyrore me fotot e 21 filmave të xhiruar në Pogradec bashkë me instalacionin e rrjetave të peshkatarëve pogradecarë./CNA

 

 

 





Lajmet e fundit nga