E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Turizëm përmes tingujve”/ Atmosferë e veçantë në pedonalen e Shkodrës

4 Korrik 2025, 18:10, Qyteti im CNA

“Turizëm përmes tingujve”/ Atmosferë e

“Turizëm përmes tingujve” u quajt aktiviteti i mbajtur nga Orkestra Frymore e Forcave të Armatosura të Shqipërisë në qytetin e Shkodrës.

Ata performuan në rrugën pedonale të qytetit, duke ngjallur interesin e qytetarëve dhe turistëve që po shëtisnin në këtë zonë.

Për dirigjentin e orkestrës, Altin Babameto, ky event vjen në kuadër të një projekti të Ministrisë së Mbrojtjes, që synon të sjellë pikëtakime kulturore në qytetet turistike të Shqipërisë.

“Ky aktivitet ka një emër dhe quhet ‘Turizëm përmes tingujve’. Është një projekt i Ministrisë së Mbrojtjes dhe Shtabit të Përgjithshëm të Forcave të Armatosura për të bërë një tur turistik në gjithë qytetet e rëndësishme turistike të Shqipërisë dhe që padyshim Shkodra zë një vend të veçantë.

Përveç faktit se është djep i kulturës, Shkodra ka një nga orkestrat frymore më të mira të Shqipërisë, që unë i dua fort dhe i kam miq të gjithë, dhe është fat i madh që e kemi atë orkestër sepse është një aset kombëtar. Kështu që emocionet dhe përgjegjësia jonë sot është shumë herë më e madhe, se jemi përpara kolegëve dhe po bëjmë një koncert përpara kolegëve.

Ne bëmë një marshim bande në pedonale në Shkodër dhe rreth 25 minuta muzikë ku ishin të përfshira si pjesa e marsheve të huaja dhe shqiptare, ashtu edhe pjesë që janë aranxhime të muzikës folklorike shqiptare për këto lloj formacionesh”,- tha Babameto.

Përveç parakalimit në rrugën pedonale, Orkestra Frymore performoi edhe për disa minuta përpara Bashkisë Shkodër, duke përcjellë një atmosferë të veçantë për të gjithë të pranishmit që ndoqën këtë performancë./CNA