web counter
LEXO PA REKLAMA!

SHKARKO APP

App Store
Google Play

E fundit!

x

Rruga Shirokë-Zogaj/ Hapet traseja në 90% të gjatësisë

30 Qershor 2025, 18:47, Qyteti im CNA

Rruga Shirokë-Zogaj/ Hapet traseja në 90% të gjatësisë

Rruga panoramike Shirokë–Zogaj po i nënshtrohet një transformimi.

Ky investim strategjik pritet të ketë ndikim të drejtpërdrejtë  në zhvillimin e turizmit përgjatë liqenit të Shkodrës. Banorët e zonës apelojnë që punimet te ecin me ritme të përshpejtuara për t’i dhënë këtij aksi vëmendjen që meriton.

Aktualisht, janë realizuar thuajse të gjitha gërmimet dhe mbushjet përgjatë gjatësisë së rrugës, ndërsa mbi 80% e strukturave mbajtëse janë drejt përfundimit. Traseja është e hapur në rreth 90% të gjatësisë, duke lehtësuar ndjeshëm edhe qarkullimin gjatë kohës së ndërtimit.

Rruga Shirokë-Zogaj/ Hapet traseja në 90% të gjatësisë

Njëkohësisht, ka nisur vendosja e shtresave rrugore, ndërsa po vijon edhe sistemimi i ujërave të bardha, një masë kyçe për të shmangur përmbytjet dhe dëmtimet gjatë stinës së reshjeve. Ndërhyrjet përfshijnë gjithashtu zhvendosjen e linjave ekzistuese të tensionit dhe të ujësjellësit.

Pjesë integrale e projektit është edhe ndërtimi i sistemit KUZ, që siguron kanalizimin dhe kullimin e ujërave. Deri më tani, është realizuar mbi 35% e kësaj linje.

Rruga e re shihet si një projekt jetik që i jep fund dekadave të izolimit dhe e kthen zonën e Zogajve në një destinacion të aksesueshëm dhe të denjë për potencialin që mbart./CNA





Lajmet e fundit nga