E fundit!

09:35 Opinione Bujar Leskaj

Bojkoti është gjithnjë gabim

Bojkoti i djeshëm nga Partia Demokratike i seancës plenare...

“Rama, pushtuesi më i egër i vendit”/ Berisha: Një vit më parë zhduku flamurin e NATO-s

3 Mars 2023, 13:19, Politikë CNA

“Rama, pushtuesi më i egër i vendit”/ Berisha: Një

Pas fjalës së kreu të Partisë së Lirisë, Ilir Meta, e ka marrë fjalën kreu i Partisë Demokratike, Sali Berisha.

Berisha shprehet se Rama është armik i vendit dhe se vite më parë ka flakur si leckë flamurin, ndërsa një vit më parë zhduki nga faqja e dheut flamurin e NATO-s.

“Së pari, një përshëndetje të përzemërt, një mirënjohje të pakufishme për të gjithë ju sot në këtë protestë madhështore, që keni lënë çdo gjë dhe keni ardhur nga të katër anët e Tiranës dhe Shqipërisë, në një protestë të revolucionit tonë demokratik paqësor.
Në një protestë, me të cilën ne jemi të vendosur t’ia shkurtojmë orët dhe ditët, muajt, kësaj qeverie antishqiptare, me në krye Edi Ramën, i cili faktohet para shqiptarëve dhe botës, si pushtuesi më i egër i këtij vendi, si Çubrilloviçi i vërtetë i këtij vendi.
Edi Rama është armik i qenies suaj, është plaçkitësi më i madh në historinë e vendit, është armik i miqve tanë në SHBA dhe Europë.
Në rast se ju kujtohet, vite më parë, rekrutonte sikur të ishte siamez me Lukashenkon, kryezbuluesin e SHBA-së.
Një vit më parë zhduku nga faqja e dheut në Shqipëri, flamurin e NATO-s, që përbën sot aleancën më kryesore të paqes dhe sigurisë në botë.
Shqipëria e etërve të tij barbarë është modeli i tij. Shqiptarët, në 8 vite, u pakësuan me rreth 1 milion banorë.
Me këto ritme, Edi Rama synon që këtu të ketë ndërtesa bosh, kampe refugjatësh, por jo shqiptarë të vërtetë.
Ne jemi këtu për t’i thënë atij që ky revolucion nuk mposhtet nga asgjë.
Këta burra dhe gra që sheh këtu, njësoj si në vitet '90, janë misionarë të pamposhtur. Edhe atëherë, të paktë ishin ata që besonin te misioni i studentëve.
Edhe sot, ka plot që nuk besojnë në misionin tonë.
Por marshi i studentëve përmbysi diktaturën dhe çliroi shqiptarët. Marshi juaj do përmbysë monizmin e bazuar në krimin, drogën dhe plaçkitjen", shprehet Berisha./CNA.al