web counter
LEXO PA REKLAMA!

SHKARKO APP

App Store
Google Play

Përfaqësues të ambasadës amerikane, në seancën gjyqësore/ Boçi: Veprime diplomatike

3 Mars 2023, 12:00, Politikë CNA
Përfaqësues të ambasadës amerikane, në seancën
Nënkryetari i PD-së, Luçiano Boçi

Nënkryetari i PD-së, Luçiano Boçi, ka folur për seancën gjyqëore për vulën e PD-së.

I pyetur nga gazetarët se si e komenton praninë e përfaqësuesve të ambasadës amerikane në Gjykatën e Apelit, Boçi është shprehur se këto janë veprime të karakterit diplomatik që vendosen nga vetë ambasada se si do të realizohen dhe si do të performohen.

“Si arsyetoj?! Nuk kam ndonjë opinion. Këto janë veprime të karakterit kuazidiplomatik, që vendosen nga vetë ambasada se si do të realizohen dhe si do të performohen. Në bindjen time sot nuk kemi një seancë gjyqësore sepse ne kemi dhënë argumentet, ka një vendim të Gjykatës së Faktit për regjistrimin e ndryshimeve statusore nga Kuvendi i PD-së, i thirrur nga anëtarët e Kuvendit dhe ato regjistrime, ato vendime, vendimi i Gjykatës së Shkallës së parë tashmë duhet të ishte bërë dhe KQZ duhet të kishte vepruar me regjistrimin e ndryshimeve dhe të logos së PD-së dhe të regjistrimit të PD-së si subjekt zgjedhor. Pjesa e kësaj shfaqjeje në emrin 'vendim apeli' për mua është e kotë.

Ka një iniciativë të ndërkombëtarëve dhe një investim të tyre për të kryer reformën në drejtësi dhe vëmendja e tyre në raste të tilla është për të marrë 'feedback' e asaj ç’kanë investuar, por ai rezultati duket qartë. Unë e thashë shumë qartë. Përderisa nuk duhej të ishte një çështje e tillë në Apel, çështja është e dështuar që në fillimet e saj dhe dyshimet për rezultatet e kësaj reformës krahas vendimeve të tjera, unë them se transmetohen nëpërmjet kësaj seance në Apel, që e përsëris, nuk duhet të ekzistonte, nuk ka palë dhe nuk ka një çështje për t’u dërguar në Apel!", tha Boçi./ CNA.al





Lajmet e fundit nga