web counter
LEXO PA REKLAMA!

SHKARKO APP

App Store
Google Play

E fundit!

x

90 minuta seancë për vulën/ Justifikimi i përçarësve përballë PD-së zyrtare

3 Mars 2023, 13:04, Politikë CNA

90 minuta seancë për vulën/ Justifikimi i

Pas rreth 90 minutash seancë, trupa gjykuese e Apelit është tërhequr në Dhomë Këshillimi për të marrë një vendim për “vulën” e PD-së, nëse do t'i rikthehet PD-së zyrtare që drejtohet nga Sali Berisha apo grupit të përçarësve.

Përfaqësuesi ligjor i PD-së zyrtare, Ivi Kaso, ka argumentuar se Enkelejd Alibeaj është i paligjshëm, pasi nuk ka pasur votëbesim nga Këshilli Kombëtar.

“Enkelejd Alibeaj nuk është konfirmuar asnjëherë në detyrë. Nuk ka pasur votëbesim nga Këshilli Kombëtar. Alibeaj është komanduar në detyrë përmes një deklarate nga Sekretari i Përgjithshëm, edhe ky i shkarkuar nga Kuvendi i 11 dhjetorit 2021. I vetmi organ për drejtimin e PD-së është Komisioni i Rithemelimit. Ankimimi është firmosur nga një person që nuk gëzon asnjë tagër”, ka thënë Kaso.

Ndërsa avokati i përçarësve të PD-së, Indrit Sefa, ka përmendur Lulzim Bashën, dhe duke tentuar t’i japë mend gjykatës, ka thënë se që në krye të herës gjyqtari Agron Zhukri duhej të pushonte çështjen.

“Lulzim Basha bëri kërkesë në Gjykatë dhe tha jam palë e interesuar. Dhe në atë moment gjyqtari Agron Zhukri duhet ta pushonte çështjen”, ka thënë Sefa.

Ndërkohë trupa gjykuese i ka tërhequr vëmendjen që të mos përmendë emra gjyqtarësh, por t’i referohet gjykatës./CNA.al





Lajmet e fundit nga