web counter
LEXO PA REKLAMA!

SHKARKO APP

App Store
Google Play

KQZ shqyrton më 21 gusht ankimimin e koalicionit 'Bashkë Fitojmë' për pavlefshmëri të zgjedhjeve në Himarë

18 Gusht 2024, 16:08, Politikë CNA
KQZ shqyrton më 21 gusht ankimimin e koalicionit 'Bashkë
Vangjel Tavo. Petro Gjikuria

Ankimimi i opozitës për votimet e 4 gushtit në Himarë për kreun e bashkisë do të shqyrtohet në datën 21 gusht në Komisionin e Ankimimeve dhe Sanksioneve në KQZ.

Trupa e 5 anëtarëve do të mblidhet për të parë nëse pretendimet e opozitës për parregullsi në zgjedhje qëndrojnë dhe të pranojnë kërkesën e saj për pavlefshmëri në zgjedhje, apo nëse do të lënë në fuqi vendimin që shpalli fitues me 1477 vota diferencë Vangjel Tavon e Partisë Socialiste.

Sipas preterndimeve të opozitës, problematika më kryesore për të cilën kërkoi pavlefshmërinë e zgjedhjeve, ishte pamundësia për të votuar e qytetarëve që u kishte skaduar karta e identitetit.

Në ankimim, opozita akuzoi mazhorancën edhe për përdorim të administratës në zgjedhje me “zbarkimin” siç e kanë quajtur ata, të ministrave në ditët e fundit të fushatës apo dhe intimidim ndaj votueseve, bizneseve dhe pronarëve të hotelerisë.

Pas vendimit të Komisionit të Ankimimeve dhe Sanksioneve e më tej, nëse do të dërgohet vendimi i KAS, edhe i Kolegjit Zgjedhor i hap rrugë betimit të Vangjel Tavos e uljes së tij në karrigen e kryebashkiakut të Himarës. /CNA





Lajmet e fundit nga