web counter
LEXO PA REKLAMA!

SHKARKO APP

App Store
Google Play

Anijet me mbetje toksike/ Berisha: Heshtja akuzon Ramën se e ka biznesin e tij

16 Gusht 2024, 22:24, Politikë CNA
Anijet me mbetje toksike/ Berisha: Heshtja akuzon Ramën se e ka biznesin e
Kryetari i Partisë Demokratike, Sali Berisha

Kreu i demokratëve, Sali Berisha ka akuzuar sërish kryeministrin Edi Rama sa i përket dy anijeve të nisura nga Porti i Durrësit, të cilat dyshohen nga autoritetet tajlandeze se kanë përmbajtje të mbetjeve toksike.

Berisha tha se fakti që kreu i qeverisë hesht për këtë skandal, tregon se këto anije me përmbajtje të rrezikshme, janë biznes i Ramës.

Ai ngriti pyetjen se pse nuk reagon asnjë institucion, në një kohë kur sipas tij, shqiptarëve u rrezikohet jeta.

“Përsëri do të kthehem tek anijet fantazmë me helme që u larguan nga Shqipëria dhe që tani enden në detra se askush nuk i pret dhe Shqipëria, vendi që i nisi hesht si varr, hesht si fija e barit.

Kjo heshtje fsheh krime miqtë e mi. Kjo heshtje e qeverisë së drogës dhe krimit të Edi Ramës, fsheh krime monstruoze mbi shqiptarët. Kjo heshtje e akuzon Edi Ramë se ky është direkt biznes i tij. Se ky është biznes me helmet, me shëndetin dhe jetën e shqiptarëve.

A nuk je ti, a nuk je ti që për karrigen tënde more përsipër të shkatërrohen në Shqipëri armët e Asadit, akt me të cilin tregove se je i aftë të marrësh çdo vendim, të shkatërrosh çdo jetë në këtë vend, vetëm e vetëm për karrigen tënde, për pasurimin tënd. Tani pse nuk flet o kriminel. Pse nuk flet? Çfarë janë anijet dhe mbetjet e rrezikshme.

Kujt i përkasin helmet e eksportuara nga Shqipëria, kush ta ka mbyllur ty gojën, kush ua ka mbyllur gojën doganave të vendit, autoritetit portual, inspektoriatit të mjedisit, inspektoriatit të punës, tatimeve, policisë, SHISH.

Institucioneve të krimit që heshtin si fije bari, në një kohë kur nga Shqipëria eksportohen helm dhe vdekje dhe askush nuk flet prej tyre.

Edi Rama nxirre kokën ku e ke futur se nga ky spiral nuk del dot. Cili është biznesi yt me helme? Thuajua shqiptarëve! Me kë e kryen ti këtë biznes? Çfarë lëndësh helmuese toksike prodhon apo dezaktivizon në Shqipëri?

Shqiptarët duhet të dinë se çfarë kërcënimi kanë bërë dhe bëjnë këto për fëmijët e tyre dhe jetët e tyre. Kjo nuk kalon, fshihu sa të duash. Posto çtë duash, mashtro çtë duash, por këto të vërteta do të dalin në dritën e diellit dhe ti do të marrësh ndëshkimet që meriton”, theksoi kreu i PD-së./ CNA





Lajmet e fundit nga