web counter
LEXO PA REKLAMA!

SHKARKO APP

App Store
Google Play

Skandali/ Zbulohet afera e Veliajt me ujin

16 Gusht 2024, 12:38, Politikë CNA
Skandali/ Zbulohet afera e Veliajt me ujin
Erion Veliaj, kryebashkiaku i Tiranës

Këshilltari i opozitës në Bashkinë e Tiranës, Xhonatan Pano, ka denoncuar një tjetër aferë të kryebashkiakut Erion Veliaj që ka të bëjë me furnizimin 24 orë me ujë të pijshëm për Tiranën.

Sipas këshilltarit, bashkia bashkë me OPT-në kanë marrë kredi prej 80 milionë eurosh për furnizimin e qytetit 24 orë me ujë të pijshëm, ndërkohë që Bashkia Tiranë ka 150 milionë euro gjendje.

Veliaj po e zhyt Bashkinë e Tiranës në 80 milionë euro borxhe dhe në fund do duhet të paguajë 137 milionë euro bashkë me interesat.

“Ne vijmë nga një situatë e jashtëzakonshme, sepse nga 2019-a deri në 2023-shin, opozita nuk kishte anëtarë të Këshillit Bashkiak brenda në bashki, kështu që ne, në 2023-shin jemi sikur ta kemi filluar komplet nga e para.

Ne do ta vazhdojmë aksionin tonë. Bashkë me zotin Teliti do të jemi çdo javë duke dërguar shkresa të reja dhe kërkesa të reja në Bashkinë e Tiranës.

Gjithashtu, një aferë e re që e kemi denoncuar dhe qytetarët e Tiranës duhet ta dinë është për kredinë e re që bashkia bashkë me OPT kanë marrë prej 80 milionë eurosh për furnizimin e qytetit 24 orë me ujë të pijshëm, ndërkohë që Bashkia Tiranë ka 150 milionë euro gjendje dhe çdo vit i kalon si pjesë e buxhetit që e ka të prapambetur. 

Pra, në momentin që ka 150 milionë euro likuide, e zhyt Bashkinë e Tiranës në 80 milionë euro borxhe e që në fund fare duhet të paguajë 137 milionë euro bashkë me interesat!“, nënvizoi Pano./ CNA





Lajmet e fundit nga