web counter
LEXO PA REKLAMA!

SHKARKO APP

App Store
Google Play

E fundit!

x

Anijet me mbetje toksike/ Berisha: Ja kush qëndron pas tyre

15 Gusht 2024, 20:36, Politikë CNA
Anijet me mbetje toksike/ Berisha: Ja kush qëndron pas tyre
Kryetari i Partisë Demokratike, Sali Berisha

Kryetari i Partisë Demokratike, Sali Berisha, reagoi mbrëmjen e sotme në lidhje me alarmin e ngritur nga autoritetet tajlandeze për anijet e nisura nga Porti i Durrësit, të cilat dyshohet se përmbanin mbetje toksike.

Gjatë fjalës së tij në protestën e përnatshme në rrugën “Mustafa Matohiti, Berisha ngriti pretendimet se pas këtyre anijeve qëndrojnë kryeministri Edi Rama dhe kabineti i tij qeveritar.

Ai deklaroi se transporti i këtyre mbetjeve toksike është një biznes kriminal shumë i rrezikshëm.

“Të dashur miq, këto ditë mediat botërore po ziejnë se dy anije të njërës prej kompanive më të mëdha në botë në transport detar, janë nisur nga Durrësi me mbetje toksike. Me lëndë të rrezikshme. Me 140 kontejnerë të ngarkuar në Durrës.

Flet e gjithë bota, flasin mediat më të mëdha. Anijet e nisura për në Tajlandë, mbretëria e Tajlandës i ktheu mbrapsht. Nuk mund të pranohej.

Shteti nga u nisën zbaton kodin Omerta, kodin e mafies, heshtjen e varrit, pavarësisht se janë rreth 140 kontejnerë. Pavarësisht se janë ngarkuar nga porti i Durrësit. Pavarësisht se janë helme të rrezikshme.

Nuk ka dyshim që kemi të bëjmë me një biznes kriminal të rrezikshëm, shumë të rrezikshëm për jetën, shëndetin e shqiptarëve. Të dashur miq, kemi të bëjmë me një biznes kriminal të rrezikshëm të Edi Ramës dhe klanit të tij qeveritar.

Më thoni mua, si ka mundësi në një vend të prodhohen mijëra ton mbetje toksike dhe të jenë jetime? Të mos dalë prodhuesi i tyre? Të mos u dalë zot prodhimeve?

Si ka mundësi që asnjë institucion që paguhet për kontroll të çdo gjëje që prodhohet në këtë vend, të çdo eksporti nga ky vend, të mos thotë dot një fjalë të vetme?

Cili qenka ai biznesmen i aftë që asgjëson çdo inspektoriat në Shqipëri, që asgjëson dogana, tatime, kontrolle e gjithçka tjetër dhe nis në det mijëra e mijëra ton helme lëndë toksike? Jo, ky nuk mund të jetë një biznesmen, ky mund të jetë vetëm kryepadrinoja e Shqipërisë, Edi Rama me klanin e tij”, theksoi kreu i PD-së./ CNA





Lajmet e fundit nga