web counter
LEXO PA REKLAMA!

SHKARKO APP

App Store
Google Play

E fundit!

x

Meta: Një bankë po më bën tentativë mafioze, do t’më bllokojë llogaritë e PL-së

15 Gusht 2024, 20:05, Politikë CNA
Meta: Një bankë po më bën tentativë mafioze, do
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka bërë një deklaratë të fortë gjatë mbledhjes së Kryesisë së PL-së.

Meta tha se një bankë e nivelit të dytë po bën tentativë mafioze për të bllokuar lëvizjet në llogaritë bankare të Partisë së Lirisë.

Ai deklaroi se drejtoresha e një pike banke nuk ka pranuar të kalojë pagat e punonjësve të Partisë së Lirisë për të krijuar probleme artificiale.

Me tone të forta, Meta paralajmëroi bankën se nëse i nxjerr sërish probleme, do ta falimentojë brenda 24 orëve.

“Një bankë e nivelit të dytë po bën tentativë mafioze për të bllokuar lëvizjet në llogaritë bankare të Partisë së Lirisë, për të krijuar probleme artificiale me pagesat e administratës së PL-së.

Del një super zonjë dhe i thotë nga je ti. Jam përfaqësues i PL-së për të bërë veprime në emër të PL-së për shkak të llogarisë rrjedhëse që ka kjo parti. Këtu duhet të vijë presidenti i PL-së, por presidenti duhet të vijë pasi të shkojë në gjykatë, dhe meqë keni bërë ndryshime në statut. Dhe pasi të marrë vërtetim që është president, të shkojë dhe te noteri dhe në Lundër, pastaj të vijë ai këtu.

Petriti u tregua tropojan tolerant. Nuk dua t’i them emrin bankës se mund të falimentojë për 24 orë, duke iu bërë thirrje shqiptarëve të tërheqin të gjitha kursimet, ta falimentoj më keq se Suden.

E mora, si je.. O zoti president tha, kënaqësi e madhe. Ti e di i thash që jam president i PL-së, u thash se çke një drejtoreshë që s’e di që jam, kërkon të vijë unë të firmos për të paguar pagat e punonjësve të Partisë së Lirisë. Shkoj dhe në Lundër i thash unë se kam problem, kjo nuk është normale. Ai më dërgoi mesazh pas 3 orësh, më tha më vjen keq për këtë që ka ndodhur. Ua them juve dhe gjithëve, pa ekspozuar bankën, se s’dua të dëmtoj asnjë bankë. Nëse drejtori do mbante qëndrim tjetër, do u bëjë thirrje të largojnë kursimet, se o është bankë që ka falimetuar përderisa si përgjigjet PL-së, nëse s’kjo nuk njeh Ilir Metën president, si do njohë Dea Nakon si qytetare.

Në emër të kujt i bëhet kjo bllokadë partisë së tretë parlamentare. Ja e bllokuan llogaritë e PL-së, do bllokojnë Ilir Metën, do fshehin aferën e detit, të lulzim Bashës dhe Ramës, po shkrimin e 28 prillit?”, theksoi ai./ CNA





Lajmet e fundit nga