web counter
LEXO PA REKLAMA!

SHKARKO APP

App Store
Google Play

Abuzimet/ Teliti: Veliaj, kontrata me shifra marramendëse për ambiente me qira për çerdhe

16 Gusht 2024, 10:27, Politikë CNA
Abuzimet/ Teliti: Veliaj, kontrata me shifra marramendëse për ambiente
Dorjan Teliti

Këshilltarët e opozitës, Dorjan Teliti dhe Xhonatan Pano, kanë deklaruar për mediat se kryebashkiaku Erion Veliaj po abuzon me shifrat për ambiente me qira për çerdhet që duhet të ndërtoheshin në Linzë.

Sipas kontratës, për çerdhet duhen paguar mbi 15 mijë euro qira në muaj, një shifër kjo e padëgjuar më parë në qendër të Tiranës.

“Kushdo që do të firmosë këto kontrata me këto çmime që janë të padëgjuara në qendër të Tiranës do mbajnë përgjegjësi si para institucioneve të Këshillit Bashkiak, por edhe para drejtësisë.

Njëra çerdhe në zonën e Linzës ndodhet në një pallat, është 596 metra katrorë, kushton 9 mijë euro, ndërsa çerdhja tjetër është 550 metra 7200 euro në muaj.
Gjatë këtyre 13 muajve e keni parë çfarë politike dhe strategjie ka ndjekur Erion Veliaj, zero transparencë. Kjo gjë duhet të marrë fund, duhet të marrin fund kryetari i bashkisë dhe ekipi i tij.

Toleranca që kemi pasur gjatë këtyre 13 muajve do të marrë fund. Nuk kemi më kohë për të humbur.

Koha me patronazhistë, me media të blera që manipulojnë qytetarët ka marrë fund. Ne jemi në këmbë, trasnparenca do të bëhet duan apo jo zyrtarët e bashkisë dhe kryetari i bashkisë”, tha Teliti./ CNA





Lajmet e fundit nga