E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

“Kë po disinformon Rama?”/ Fredi Beleri: Nuk ma ka rrëzuar gjykata kërkesën për t’u betuar

6 Shtator 2023, 19:58, Politikë CNA

“Kë po disinformon Rama?”/ Fredi Beleri: Nuk ma ka rrëzuar

Kryebashkiaku i zgjedhur i Himarës, Fredi Beleri

Kryeministri Edi Rama, në një përgjigje për rezolutën e Parlamentit Evropian, tha se nuk ndërhyn në çështjen për kryebashkiakun e zgjedhur të Himarës, Fredi Belerit dhe se është gjykata ajo që ka refuzuar t’i japë leje për betimin.

Për këtë deklaratë të Ramës ka ardhur një reagim nga Fredi Beleri, i cili pretendon se Rama po disinformon opinionin publik dhe miqtë e Shqipërisë në botë.

Ai pretendon se GJKKO nuk e ka rrëzuar kërkesën e tij për leje të veçantë për të bërë betimin, por ka thënë që kjo leje është kompetencë e Drejtorit të IEV Penale.

Kryebashkiaku i zgjedhur deklaron se Drejtoria e Përgjithshme e Burgjeve në dy raste është shprehur jashtë afatit 24-orë të parashikuar në rregullore dhe në rastin e fundit nuk është shprehur fare.

Rezoluta për Fredi Belerin/ Reagon Rama: PPE me siguri nuk është e informuar mirë
5 Shtator, 15:58

Beleri deklaron se në këtë mënyrë i është kufizuar rëndë e drejta kushtetuese, ndërsa ngre akuzat se pas kësaj qëndron kryeministri Edi Rama.

Deklarata e plotë:

Kush (kë) po disinformon z. Rama?

Sqarim për opinionin publik dhe një kujtesë për kryeministrin Rama.

Nisur nga artikulimet e këtyre ditëve të kryeministrit Rama të bëra publike në media lidhur me cështjen e betimit tim dhe nisur edhe nga postimi i tij i fundit në FB për gjoja përgjigjen e tij “në çdo kohë dhe cdo format” për Partinë Popullore të Europës EPP Group in the European Parliament, ju bëj me dije se:

Nuk ka asnjë vendim gjyqësor që të ketë rrëzuar kërkesën time për leje të veçantë për të bërë betimin. Gjykata ka thënë që kjo leje është kompetencë e Drejtorit të IEV Penale ku ndodhem.

Me vendimin nr. 266 dt 26.06.223 të Gjykatës së Posacme të Shkallës së Parë për Korrupsionin dhe Krimin e Organizuar, lidhur me kërkesën për Autorizim për të më lejuar për të marrë pjesë në mbledhjen e Këshillit Bashkiak Himarë dt 27.06.2023, ka arsyetuar se: “Sa më sipër, gjykata rezulton se në rrethanat konkrete nuk është ajo autoriteti kompetent që disponon për dhënien e lejes së kërkuar nga personi nën hetim”.

“Kë po disinformon Rama?”/ Fredi Beleri: Nuk ma ka rrëzuar

Drejtoria e Përgjithshme e Burgjeve në dy raste është shprehur jashtë afatit 24-orë të parashikuar në rregullore dhe në rastin e fundit nuk është shprehur fare, me qëllim që unë të mos ta ankimoj refuzimin në gjykatë.

“Kë po disinformon Rama?”/ Fredi Beleri: Nuk ma ka rrëzuar

Dihet botërisht se IEVP Penale dhe Drejtori i Përgjithshëm i Burgjeve janë nomenklaturë e Këshillit të Ministrave në Shqipëri dhe nuk janë «organe të pavarura të drejtësisë».

Në Shqipëri ka disa precedente të mëparshëm në të cilat është dhënë autorizim për leje tëvecantë për deputetë të cilët kanë shkuar në Parlamentin Shqiptar për të votuar ligje apo për të bërë betimin ndërkohë që kanë qënë të paraburgosur me masën arrest me burg. (Rasti i deputetit Mark Frroku dhe rasti i deputetit Azgan Haklaj). Është e qartë se kur pushteti politik ka dashur, nuk ka patur asnjë kufizim apo pengesë ligjore që autorizimi për leje të vecantë të jepej.

Në zgjedhjet e 14 majit 2023 në bashkinë e Kukësit, Gjykata e Shkallës së Parë Kukës, me vendimin nr. (332) 91 të datës 13 maj 2023, ka urdhëruar lejimin e votimit të 26 shtetasve të paraburgosur dhe burgosur, në qendrën e votimit nr 0647/01 të ngritur në Poliklinikën e Kukësit.

Këta zgjedhës, me leje të posaçme, më 14 maj 2023 janë shoqëruar nga organet ligjzbatuese pranë qendrës së votimit dhe kanë votuar rregullisht duke garantuar të drejtën e tyre kushtetuese për të zgjedhur.

Ne këtë kontekst, mos dhënia e lejes për të bërë betimin, e përsëris, është kufizim i rëndë i të drejtave të mia kushtetuese dhe gjithashtu shprehje e një qëndrimi autokratik dhe antiligjor drejtëpërdrejt i Kryeministrit Rama, i cili nuk pranon dot “votën” e Himarës kundër tij në 14 maj.

“Kë po disinformon Rama?”/ Fredi Beleri: Nuk ma ka rrëzuar

Kryeministri Rama për fat të keq vijon të “furnizojë” opinionin publik dhe miqtë e Shqipërisë në botë me gënjeshtra dhe dezinformim lidhur me arrestimin tim dhe vijon gjithashtu nëpërmjet deklaratave publike të ushtrojë trysni mbi gjykatat me proklamata dhe fjalime pa lidhje për mua personalisht dhe mediat që kanë pasqyruar me realizëm faktet dhe rrethanat e cështjes në fjalë.

Në vijim, dua t’ju njoftoj që edhe unë, jam i angazhuar, që në cdo kohë dhe cdo mënyrë, të publikoj dhe informoj cdo organizëm ndërkombëtar përkatës për detajet e dosjes time hetimore dhe provat e manipuluara apo falsifikuara të administruara në të, cdo detaj të veprimtarisë së Policisë së Shtetit dhe Prokurorisë që u vunë haptazi në shërbim të Kryeministrit «për të arrestuar kandidatin për Kryetar Bashkie të Himarës, i shpallur publikisht armik personal i Kryeministrit Edi Rama për një javë rresht».

Më poshtë kopjet e përgjigjeve të IEPV dhe Drejtorisë së Përgjithshme të Burgjeve dhe kopje e vendimit nr. 266 dt 26.06.223 të Gjykatës së Posacme të Shkallës së Parë për Korrupsionin dhe Krimin e Organizuar.

Fredi Beleri

6 Shtator 2023

Zyra e Avokatisë/ CNA