LEXO PA REKLAMA!

SHKARKO APP

“Rama, i gatshëm të bëjë gjithçka”/ Bylykbashi: Në 14 maj u përplasëm me shtetin dhe jo partinë

6 Shtator 2023, 11:31, Politikë CNA
“Rama, i gatshëm të bëjë gjithçka”/
Oerd Bylykbashi, deputeti i PD-së

Oerd Bylykbashi, deputeti i PD-së së Sali Berishës, gjatë prezantimit të librit në të cilin janë hedhur përmbledhjet për manipulimet në zgjedhjet e 14 majit është shprehur se opozita ka provuar me fakte të gjitha shkeljet që janë bërë në këtë process zgjedhor.

Bylykbashi theksoi se lajtmotivi i vetëm i kryeministrit Edi Rama është që të fitojë zgjedhjet me çdo kusht dhe se për këtë është i gatshëm të përdorë çdo gjë.

Sot prezantojmë librin e zi të zgjedhjeve. Sot nuk kam asnjë lloj kënqësie të prezantojmë këtë libër. Ky është një moment i errët për demokracinë shqiptare.

Dokumente, shkrime, fotografi që tregojnë se çfarë janë shkeljet në Shqipëri. Kjo është një detyrë që opozita e bëri. Faktoi që zgjedhjet e 14 majit nuk ishin të lira, as të ndershme. Ajo që është shqetësuese është se na katapultojnë prapa 20 vjet.

Kemi një dekadë me Ramën në krye ku lajmotiv i tij është një dhe i vetëm, të fitojë zgjedhjet me çdo kusht, që do të thotë është i gatshëm të përdorë çdo gjë. E filloi duke përdorur kanabizimin, drogën dhe bandat kriminale”, ka thënë Bylykbashi.

Më tej, Bylykbashi tha se Kodi Zgjedhor është një kinezeri që i dha dritën jeshile administratës socialiste për të masakruar zgjedhjet.

Ai nënvizoi se opozita në 14 maj u përplas me shtetin dhe jo partinë.

“Kodi Zgjedhor është një kinezeri. Kjo ishte drita jeshile për administratën socialiste për të masakruar zgjedhjet. Me 14 maj opozita u përplas me shtetin dhe jo partinë”, u shpreh Bylykbashi./ CNA

 

Lajmet e fundit nga