LEXO PA REKLAMA!

SHKARKO APP

Balla, me Operacionalen në Durrës/ Mesazhi për efektivët

6 Shtator 2023, 18:03, Politikë CNA
Balla, me Operacionalen në Durrës/ Mesazhi për efektivët
Ministri i Brendshëm, Taulant Balla

Ministri i Brendshëm, Taulant Balla, zhvilloi sot një takim me efektivët e Forcës Operacionale të Durrësit në sajë të luftës kundër krimit të organizuar.

Balla dha një mesazh për të gjithë efektivët që po luftojnë për të goditur krimin.

Ai deklaroi se kushdo që do të jetë i gatshëm në këtë drejtim do të ketë mbështetjen e tij, ndërsa ata që nuk do të tregojnë gatishmëri, do ta ketë të pamundur të qëndrojnë në pozicionin që kanë.

“Çdo ditë në detyrën e Ministrit të Brendshëm po njoh djem dhe vajza, punonjës të Policisë së Shtetit në shërbimet bazë të cilët kanë dedikimin dhe angazhimin e duhur në realizimin e detyrës. Të tillë janë djemtë e Forcës Operacionale Durrës, të cilët po kryejnë çdo ditë goditje të rëndësishme ndaj krimit. Prandaj sot dua ta përsëris se kush do të jetë i gatshëm për ta bërë këtë në pozicionin që ka në vijën e këtij fronti të përbashkët, do të ketë mbështetjen time pa rezerva në çdo hap dhe derën time të hapur pa orar për çdo nevojë. Ndërsa kush nuk do të tregojë gatishmërinë për të shkuar përtej vetes, duke e rritur kontributin për kauzën e përbashkët, do ta ketë të pamundur të qëndrojë në pozicionin që ka”, theksoi ministri./ CNA

Lajmet e fundit nga