E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

“Skandaloze në Kashar”/ Këlliçi: Veliaj dhe Salillari shpronësojnë banorët me çmim qesharak

6 Shtator 2023, 18:43, Politikë CNA

“Skandaloze në Kashar”/ Këlliçi: Veliaj dhe

Ish-deputeti Belind Këlliçi

Ish-deputeti Belind Këlliçi ka bërë një denoncim për shpronësimet e banorëve që preken nga projekti i ndërtimit brenda zonës “TEDA” në Kashar.

Këlliçi thotë se situata me shpronësimet është skandaloze dhe absurd. Ai deklaron në rrjetet sociale se kryebashkiaku Erion Veliaj dhe biznesmeni Pëllumb Salillari po shpronësojnë banorët me çmim qesharak.

Ish-deputeti shprehet se Bashkia ka vlerësuar çmimin për metrin katror të tokave me 448 lekë të reja ose 4 mijë e 400 e 80 lekë të vjetra.

Sipas tij, më shqetësues është fakti se VKM për shpronësimin e tokave të banorëve të Kasharit është miratuar dy ditë pas rizgjedhjes së Erion Veliaj si kryebashkiak i Tiranës në 14 Maj.

“Skandaloze në Kashar”/ Këlliçi: Veliaj dhe

Denoncimi i plotë:

Një situatë skandaloze dhe absurde po ndodh në Kashar. Dyshja Veliaj - Salillari shpronësojnë banorët me çmim qesharak, një metër katror më pak se gjysëm kilogram djathë.

Bashkia dhe qeveria kanë vlerësuar çmimin për metrin katror të tokave me 448 lekë të reja ose 4 mijë e 400 qind e 80 lekë të vjetra.

E më shqetësuese është fakti se VKM për shpronësimin e tokave të banorëve të Kasharit është miratuar dy ditë pas rizgjedhjes së Erion Veliaj si kryebashkiak i Tiranës në zgjedhjet e vjedhura të 14 Majit.

Edhe pse pronarët kanë dokumentacion të rregullt të pronësisë së tyre dhe kanë prova të qarta të trashëgimisë së tokave, bashkia dhe qeveria po i shpronësojnë pa kompensimin përkatës.

Është absurde që ata nuk kanë pasur asnjë takim me asnjë përfaqësues të Bashkisë për të diskutuar kompensimin dhe punimet kanë nisur pa konsultuar pronarët.

Deri më tani, asnje pronar nuk është njoftuar për procesin e shpronësimit dhe hipotekat janë bllokuar për një vit, duke ndaluar banorët të blejnë ose të shesin tokën e tyre.

Ky projekt i shpronësimit thonë banorët nuk është asgjë më shumë se një mashtrim dhe çështja duhet të zgjidhet me drejtësi dhe respekt ndaj pronarëve të tokave të Kasharit.

Banorët kërkojnë transparencë dhe drejtësi për këtë çështje dhe ndihmën e organeve kompetente për të zgjidhur këtë situatë absurde, nga e cila ata pretendojnë gjithashtu se biznesmeni Pëllumb Salillari ka marë një tender 3.8 miliardë lekë nga Erion Veliaj./ CNA