web counter
LEXO PA REKLAMA!

SHKARKO APP

App Store
Google Play

"Interes i lartë për Paketën e Maleve"/ Rama: Kanë shkuar afër 100 aplikime

4 Prill 2026, 13:46, Politikë CNA

"Interes i lartë për Paketën e Maleve"/ Rama: Kanë

Në mbledhjen e Asamblesë së PS-së në njësinë 12 në Tiranë, kryeministri Edi Rama u shpreh se ka pasur një interes të lartë për Paketën e Maleve. Rama u shpreh se ka pasur afërsisht 100 aplikime që kanë shprehur interes të investojnë.

Sipas tij, kjo do të sjellë jo vetëm punësim në këto zona, por edhe më shumë ekonomi. Ndër të tjera u shpreh se PS ka kapacitet të bëjë më mirë dhe të fitojë më shumë.

“Kanë shkuar afër 100 aplikime për Paketën e Maleve. Tani, kjo është diçka që u intereson jo thjesht 100 individëve apo 100 familjeve të këtyre individëve që kanë interes të investojnë, duke shfrytëzuar një program të ri që ne kemi hapur, por kjo është me interes për të gjithë, sepse nëse ata do të investojnë dhe do të hapin një bujtinë, aty do të punësohen njerëz nga po kjo zonë në radhë të parë.

Po jo thjesht do të punësohen njerëz nga kjo zonë, por aty do të krijohet edhe më shumë ekonomi, sepse agroturizmi është i lidhur me prodhimin, prodhimin e zonës në radhë të parë, e të tjera, e të tjera. Por për këtë kush të flasë? Ku do ta dëgjoni këtë? Në qoftë se ne nuk do ta diskutojmë këtë me njëri-tjetrin. Për këtë arsye ne e kemi bërë këtë ndarje të re organizative të partisë në blloqe më të vogla, për të pasur më shumë kapacitet komunikimi, për të pasur më shumë diskutim.

Unë besoj që Partia Socialiste ka kapacitet të bëjë më mirë edhe të fitojë më shumë. Koha ka treguar që nuk ka asnjë vend, asnjë qendër votimi që Partia Socialiste nuk e fiton dot, por ka qendra votimi ku Partia Socialiste nuk fiton, sepse nuk organizohet si duhet, nuk organizohet sa duhet. Nuk ka asnjë rezultat që ne nuk e arrijmë dot, por rezultatet që nuk arrijmë vijnë sepse nuk bëjmë punën aq sa duhet dhe na duhet vetëdija që këtë punë dhe këtë përpjekje ne e kemi detyrë më të madhe sesa thjesht ndaj vetes apo për veten”, u shpreh Rama. /CNA





Lajmet e fundit nga