web counter
LEXO PA REKLAMA!

SHKARKO APP

App Store
Google Play

E fundit!

x

Integrimi në BE/ Rama: Ndryshojnë gjërat në çdo pjesë të jetës së vendit

2 Prill 2026, 08:26, Politikë CNA

Integrimi në BE/ Rama: Ndryshojnë gjërat në çdo

Kryeministri Edi Rama ka zhvilluar mëngjesin e sotëm një bashkëbisedim me studentët lidhur më procesin e negociatave për anëtarësimin në Bashkimin Europian.

Rama u shpreh se sa më shumë e ndjek procesin, aq më shumë kupton se sa larg Bashkimit Europian je.

Ndër të tjera ai shtoi se me anëtarësimin në union, studentët shqiptarë nuk do të jenë të huaj në qytetet europiane dhe mund të zgjedhin punën lirisht në vendet e BE-së.

Kreu i qeverisë u shpreh se me integrimin gjërat ndryshojnë në çdo pjesë të jetës së vendit.

“Shumëkujt i duket se ne jemi në Europë për sa kohë lëvizim lirisht dhe munds të jetojmë e punojmë lirisht. Ky process është i tillë që sa më shumë ta ndjekësh aq më shumë mëson sesa larg është një vend që nuk brenda në BE. Kur kapërceni pragun e një universiteti jeni studcente të huaj dhe sit ë tillë trajtoheni ndryshe. Nuk keni të njëjtat kushte si studentët europianë. Nëse doni të keni akses pastaj në shërbimet e tjera, paguani shumë më tepër sesa studentet europianë. Më anëtarësimin në BE, ju jeni vendas si  në universitetet në Tiranë dhe në cilindo nga qytetet e Europës. Dhe kështu nuk paguani më shumë se sa vendasit. Mund ta zgjidhni punën jo vetëm brenda qytetit të Tiranës, por në çdo qytet të Europës si vendas. Në çdo pjesë të jetës së vendit, gjërat bëhen krejtësisht ndryshe. Kurrë më parë Shqipëria nuk e ka pasur buzëqeshjen e fatit, sa e ka pasur vitet e fundit. Kemi bërë punë të madhe për të ndryshuar pozicionin e Shqipërisë që deri dje ishte e përbuzur. BE ka hapur derën dhe jo vetëm me fjalë”, u shpreh Rama. /CNA





Lajmet e fundit nga