web counter
LEXO PA REKLAMA!

SHKARKO APP

App Store
Google Play

Berisha: Në zonat malore e kodrinore duhet të rikthehen komunat

31 Mars 2026, 13:41, Politikë CNA

Berisha: Në zonat malore e kodrinore duhet të rikthehen komunat

Kreu i PD-së, Sali Berisha, në takimin e hapur për Reformën Territoriale është shprehur se duhet të rikthehen komunat në të gjitha zonat kodrinore dhe malore ku jetojnë 1300 ose 1500 banorë.

Ai tha se duhet rikthyer me shpejtësi në zonat kodrinore dhe malore shërbimet, pas sipas kryedemokratit ato po kthehen në “zona të vdekura”.

“Duhet të kthejmë komunat në të gjitha zonat kodrinore e malore ku ekzistojnë një numër i caktuar banorësh. Unë nuk mund të them aty ku nuk ka banorë, se ai është proces i gjatë i ripopullimit. Por duhet të rikthehen të gjitha zonat kodrinore e malore në të cilat ka 1500 ose 1300 banorë.

Franca numëron 35 mijë komuna. Franca ka male, por është fusha e Europës, është bujqësia europiane, potenciali më i madh bujqësor i Europës. Franca ka 36 mijë komuna dhe ka komuna me 1500 banorë. Ndaj dhe ne duhet të rikthejmë me shpejtësi, me përparësi në zonat kodrinore e malore, shërbimet, komunat si thirrja e fundit dhe mundësia e fundit për të mos i përjashtuar ato nga territori i Shqipërisë. Ato po shndërrohen në zona të vdekura, në një kohë kur në vende të tjera ato përbëjnë pasuri mahnitëse, përrallore.

Po të shkosh këtu mbrapa Dajtit, gjer në Martanesh, është një nga masivet malore më të bukura të Shqipërisë dhe Europës. Nuk shkon dot kush. Shkojnë ushtarët që bëjnë stërvitje dhe e kanë Bizën si pikën më të përshtatme të stërvitjes, në një kohë kur Biza mund të ishte edhe një nga qendrat më të bukura turistike të kryeqytetit. Por jo, s’ka. Çfarë del jashtë unaze e destinuar të shkatërrohet. Duhet të marrë fund kjo”, është shprehur Berisha. /CNA

 





Lajmet e fundit nga