web counter
LEXO PA REKLAMA!

SHKARKO APP

App Store
Google Play

U zgjodh në krye të PD Elbasan/ Narazani: Dera do të jetë e hapur edhe për ata që janë larguar

30 Mars 2026, 22:42, Politikë CNA

U zgjodh në krye të PD Elbasan/ Narazani: Dera do të jetë e

Kreu i ri i PD-së së Elbasanit, Alis Narazani ka bërë një reagim në rrjetet sociale pas fitores së marrë ditën e djeshme.  

Narazani falënderon të gjithë votuesit dhe shprehet se detyra e re është një privilegj dhe përgjegjësi e madhe.

Më tej, kreu i ri i PD Elbasan fton çdo demokrat të angazhohet dhe të kontribuojnë në ndryshimet që priten.

Narazani e mbyll reagimin e tij duke thënë se dera e partisë do të jetë e hapur për të gjithë ata të larguarit.

 

 

Reagimi

 

Të dashur demokratë të Elbasanit,

Jam thellësisht mirënjohës për besimin që më dhatë duke më zgjedhur Kryetar të Partisë Demokratike, Dega Elbasan. Ky është një privilegj i madh dhe një përgjegjësi edhe më e madhe, të cilën do ta mbaj me përkushtim maksimal gjatë 4 viteve që vijnë.

Falënderoj nga zemra të gjithë anëtarët e degës që morën pjesë në këtë proces, duke treguar qytetari, pjekuri dhe besim tek demokracia e brendshme. Një falënderim i veçantë për kolegët në garë Sokolin, Durimin, Eliorin dhe Lumturinë për një garë model, të qetë dhe me standarde, që i bën nder Partisë Demokratike.

Mirënjohje për komisionerët që organizuan dhe garantuan një proces të rregullt, si dhe për drejtuesin e qarkut z. Alizoti, deleguarin e PDSH z. Ibroja dhe deputetët Himci dhe Çapja për mbështetjen dhe kontributin e tyre në këtë proces.

Ky besim që më është dhënë është për mua një detyrim i madh moral dhe politik për të punuar çdo ditë, me përulësi dhe vendosmëri, në shërbim të demokratëve dhe qytetarëve të Elbasanit.

Nga sot nis një rrugëtim i ri për PD Elbasan. Ftoj çdo demokrat të bëhet pjesë e ringritjes së strukturave, të angazhohet në proceset që vijnë dhe të kontribuojë me energji dhe ide.

Dera do të jetë e hapur për të gjithë, edhe për ata që janë larguar për një motiv apo një tjetër. Rikthehuni në shtëpinë tuaj!

Faleminderit të gjithëve.





Lajmet e fundit nga