web counter
LEXO PA REKLAMA!

SHKARKO APP

App Store
Google Play

E fundit!

x

Si u nis dhe si u bitis protesta e Adriatik Lapajt

29 Mars 2026, 12:33, Politikë CNA

Si u nis dhe si u bitis protesta e Adriatik Lapajt

Këtë javë që po lëmë pas përfundoi protesta 108-ditore e Adriatik Lapajt, drejtuesit të “Shqipëria Bëhet”. Protesta nisi më 8 dhjetor 2025 përpara ambienteve të Kryeministrsë në Tiranë, në atë që u cilësua si një qëndresë simbolike, teksa kërkohej dorëheqja e kryeministrit Edi Rama.

 “Po nis një protestë si qytetar, do jem ditë natë pa ndalim, në ditët në vijim shpresoj të mblidhen qindra e mijëra”,-deklaroi Lapaj më 8 dhjetor.

Një protestë që nisi me hov dhe premtime për aksione të mëdha ndaj qeverisjes, por rezultoi që në ditët e para një dështim prej pjesëmarrjes së ulët dhe organizimit të dobët.

Si u nis dhe si u bitis protesta e Adriatik Lapajt
Lapaj, i vetëm gjatë protestës

Protestat e organizuara nga Lapaj nuk kishin më shumë se 30 persona të pranishëm. Hapësira përpara Kryeministrisë ishte thuajse bosh, teksa gjatë ditës qëndronin vetëm dy-tre mbështetës.

Si u nis dhe si u bitis protesta e Adriatik Lapajt

Vetë Lapaj ka braktisur protestat e tij herë pas here, megjithë premtimin se do të qëndronte 24 orë rresht.

Në këto protesta ku Lapaj mungonte edhe vetë, që shpesh katandisi edhe me dy vetë përpara Kryeministrisë tregoi dështimin e një "kaposhi" që këndonte majë plehut që ndërtoi në zgjedhjet e vitit 2025 dhe përfundoi me akte qesharake politike, që nga braktisja për një karrige e Endri Shabanit, te një deputete e tyre që thjesht ngroh karrigen në Kuvend dhe na tregon se sa qesharake janë si lëvizje.

Protestat e Lapajt u zhvilluan të ndara nga protestat kryesore opozitare, duke dhënë më shumë imnazhin si protesta për interesa personale të Lapajt sesa për një lëvizje të gjerë qytetare.

Si u nis dhe si u bitis protesta e Adriatik LapajtSi u nis dhe si u bitis protesta e Adriatik Lapajt

Këto protesta u shoqëruan me përplasje me policinë, tensione me efektivët e pranishëm gjatë tubimeve, teksa nuk munguan as incidentet fizike, ku protagonist ishte vetë Adriatik Lapaj, i cili arriti deri aty sa në një moment u vetëofrua për arrestim.

“Arrestoni mua, ja ku jam. Pse u bëni foto qytetarëve? Pse i frikësoni njerëzit?”,-u shpreh Lapaj më 4 janar.

Përtej premtimeve, koha tregoi se “protesta” 108-ditore para Kryeministrisë ishte thjesht dhe vetëm një kapitull i radhës në betejat zhgënjyese politike që Lapaj ka ndërmarrë vitet e fundit, duke theksuar edhe më shumë faktin se veproi vetëm për interesat e tij dhe të kryeministrit Edi Rama, të cilit edhe i shërben./CNA

 





Lajmet e fundit nga